Heta ermáno oipuru pe aplikasión JW Library^® ojeprepara hag̃ua rreunionrã ha haʼekuéra ovyʼaiterei pórke upépe orekopáma umi artíkulo ojestudiátava Ñemañaháme. Péro pe Ñemañaha ojestudiávape osẽ avei umi artíkulo sekundário ndojepurúiva ojestudia hag̃ua kongregasiónpe. Koʼã artíkulo ideprovécho ñamombarete hag̃ua ñande jerovia. Péro, ¿mbaʼéichapa ikatu retopa koʼã artíkulo JW Library-pe?

• Káda artíkulo ojestudiáva guýpe oĩ peteĩ párte heʼíva “Otros artículos” ha upéva guýpe heʼi “Contenido de este número”. Ejopy upéva ha osẽta ndéve umi artíkulo oĩva pe rrevístape. Upépe ehecháta oñemoĩha mávapa umi artíkulo ojestudiáva ha inúmero. Avei rehecháta umi artíkulo sekundário título ha ikatúntema eiporavo la releeséva.

• JW Library-pe, eike heʼihápe “Inicio” ha upéi emaña la oĩva heʼihápe “Lo nuevo”. Upépe ikatúta remboguejy umi rrevísta Ñemañaha ipyahúva. Upéi eavri upe rrevísta ha errevisa la oĩva pype eaprovecha porã hag̃ua entéro umi artíkulo osẽva.