Umi omendáva ojedesidíva okumpli la ikompromíso oikuaa imatrimónio ndopareimoʼãiha, ha upéva omoñeñandu trankílo chupekuéra. Mokõivéva oĩ segúro káda uno ojapotaha ipárte osegi hag̃ua oñondive ohasáramo jepe umi situasión ijetuʼúva.

Oĩ matrimónio osegíva oñondive pórke iñamigokuéra térã ihénte ndoipotái ojueja, péro ikuentaiteve ningo okumpli hikuái la ikompromíso ojoayhu ha ojorrespeta rupi.

¿MBAʼÉPA HEʼI LA BIBLIA? “Pe ména avei ndohejái vaʼerã hembirekópe” (1 Corintios 7:11).

“Ekumplírõ la eñekompromete vaʼekue ndereikomoʼãi ndepochyparei. Upéva rangue pyaʼe voi reporoperdonáta, ha nde la ejavýrõ pyaʼe ejeruréta perdón. Ha oñepresenta jave algún provléma nerepensamoʼãi rejedivorsiáma vaʼerãha” (Miguel). *

Umi omendáva nokumpliséirõ la ikompromíso, oĩ jave provléma opensáma ndahaʼeiha voi kuri ojupe g̃uarã ha ensegída ohecha mbaʼéichapa ikatu ojueja hikuái.

“Heta hénte omenda mboyve voi opensáma la imatrimónio ndohoporãirõ hína ojedivorsiatanteha. Péicha repensárõ remenda mboyve, ojekuaa nderejedesidiriha ekumplitaha la reñekompromete vaʼekue” (Jenny).

EJEPYʼAMONGETA HAG̃UA

¿Mbaʼéichapa erreaksiona peiko vai jave?

• ¿Rembyasýpa remenda haguére

• ¿Repensápa oho porãvetaha kuri ndéve remendárire ótrore?

• ¿Erépa ne ména térã ne rembirekópe rehejataha chupe térã rehekataha peteĩ persóna nderayhu vaʼerã?

Oimérõ rekontesta ke si peteĩva térã hetave koʼã pregúnta, tekotevẽ koʼag̃aite ejedesidi ekumplitaha la reñekompromete vaʼekue.

PEÑEMONGETA HAG̃UA OÑONDIVE

• ¿Ñanderesaráipa jahávo la ñane kompromísogui? Oimérõ upéicha, ¿mbaʼérepa oiko hína upéva?

• ¿Mbaʼépa ikatu jajapo ñanemanduʼa hag̃ua siémpre la ñañekompromete vaʼekuére?

¡ETANTEAMÍNA!

• Sapyʼapyʼánte eskrivi peteĩ notaʼi ere hag̃ua ne ména térã ne rembirekópe rehayhuha chupe.

• Emoĩ ifóto pe lugár rembaʼapohápe.

• Ehenói térã emensahea chupe káda día reĩ jave nde travahohápe térã napeiméi jave oñondive.

¿MBAʼÉPA HEʼI LA BIBLIA? “Ani avave osepara ojuehegui Ñandejára ombojoaju vaʼekue” (Mateo 19:6).