Osọhia 1:1-20
1 Osọhia* de gbọn Jesu Klisti dali, ehe Jiwheyẹwhe na ẹn,+ nado do nuhe dona jọ to madẹnmẹ lẹ hia afanumẹ etọn lẹ.+ Jesu sọ do angẹli etọn hlan nado ze e donukọnna afanumẹ etọn Johanu gbọn ohia lẹ yiyizan dali,+
2 mẹhe dekunnu gando ohó lọ he Jiwheyẹwhe na go podọ gando kunnudide he Jesu Klisti na lọ go, mọwẹ, gando nuhe e mọ lẹpo go.
3 Ayajẹnọ wẹ mẹhe nọ hia po ogbè lélé po, podọ mẹhe nọ sè ohó dọdai ehe tọn lẹ, podọ mẹhe nọ payi nuhe yin kinkan do e mẹ go lẹ,+ na ojlẹ dide lọ ko sẹpọ.
4 Johanu, hlan agun ṣinawe+ he tin to ayimatẹn Asia tọn mẹ lẹ:
Na mì ni tindo nukundagbe majẹhẹ po jijọho po sọn “Mẹhe tin bo ko tin bosọ ja lọ”+ dè, podọ sọn gbigbọ ṣinawe+ he tin to ofìn etọn nukọn lọ lẹ dè,
5 podọ sọn Jesu Klisti, yèdọ “Kunnudetọ Nugbonọ lọ,”+ “mẹhe yin plọnji sọn oṣiọ lẹ mẹ,”+ podọ “ogán ahọlu aigba ji tọn lẹ tọn lọ”+ dè.
Hlan mẹhe yiwanna mí+ bo tún mí dote sọn ylando mítọn lẹ mẹ gbọn ohùn edetiti tọn dali+—
6 ewọ sọ hẹn mí zun ahọluduta+ de po yẹwhenọ+ lẹ po hlan Jiwheyẹwhe etọn podọ Otọ́ etọn—mọwẹ, gigo po huhlọn po ni tin hlan ẹn kakadoi. Niṣẹ.*
7 Pọ́n! Ewọ ja po aslọ lẹ po,+ bọ nukun lẹpo wẹ na mọ ẹn, gọna mẹhe sọnú in lẹ; podọ hẹnnu aigba tọn lẹpo na do awubla hia na ewọ tọn wutu.+ Mọwẹ, Niṣẹ.
8 “Yẹn wẹ Alfa podọ Omega,”*+ wẹ Jehovah* Jiwheyẹwhe, “Mẹhe tin bo ko tin bosọ ja, yèdọ Ganhunupotọ lọ” dọ.+
9 Yẹn Johanu, mẹmẹsunnu mìtọn podọ mimátọ de hẹ mì to nukunbibia+ mìtọn mẹ podọ to ahọluduta+ mìtọn mẹ podọ to akọndonanu+ mìtọn mẹ to kọndopọ mẹ hẹ Jesu,+ yẹn mẹhe tin to lopo he nọ yin yiylọdọ Patmos ji, na hodidọ gando Jiwheyẹwhe go podọ na kunnudide gando Jesu go wutu.
10 To gbọdo glọ, yẹn wá tin to azán Oklunọ tọn gbè, yẹn sọ sè ogbè huhlọnnọ de he taidi opẹ̀n de tọn sọn godo ṣie,
11 dọmọ: “Nuhe hiẹ mọ, kàn ẹn do owe-hihá de mẹ bo do e hlan agun ṣinawe lẹ: to Efesu,+ to Smana,+ to Pagamu,+ to Tiatila,+ to Sadi,+ to Filadẹlfia+ podọ to Laodikea.”+
12 Yẹn lẹgodo nado pọ́n mẹhe to hodọ hẹ mi lọ, podọ to whenue n’lẹgodo, n’mọ miyọ́ngbán-tin sika tọn ṣinawe,+
13 podọ mẹde he taidi visunnu gbẹtọ tọn+ tin to ṣẹnṣẹn miyọ́ngbán-tin lọ lẹ tọn, bo do awù he yìdo jẹ afọkọ de, bosọ sìn homẹblanu sika tọn de do akọ́nnu.
14 Humọ, ota etọn po oda etọn po wé taidi lẹngbọ-fún wewe, yèdọ taidi osin-agó bọ nukun etọn lẹ taidi miyọ́n he to jiji,+
15 podọ afọ etọn lẹ taidi gànvẹẹ dagbedagbe+ he to sisẹ́ to zòhọ de mẹ bọ ogbè etọn taidi nudidọ osin susu tọn.
16 Ewọ sọ tindo sunwhlẹvu ṣinawe+ to adusilọ etọn mẹ, ohí didá onù awenọ gaa+ de sọ to tintọ́n sọn onù etọn mẹ, podọ nukunmẹ etọn taidi owhè he to sisẹ́ mlanmlan.+
17 Whenue n’mọ ẹn, n’họ́jai to afọ etọn lẹ kọ̀n taidi oṣiọ.
Ewọ sọ ze adusilọ etọn do ji e bo dọmọ: “A dibu blo. Yẹn wẹ Tintan+ podọ Godo tọn,+
18 podọ mẹhe to ogbẹ̀,+ yẹn sọ lẹzun oṣiọ,+ ṣigba pọ́n! yẹn to ogbẹ̀ kakadoi podọ doidoi,+ yẹn sọ tindo họnhungan okú po Yọdò* po tọn lẹ.+
19 Enẹwutu, kàn nuhe hiẹ mọ lẹ dai, podọ nuhe to jijọ todin lẹ gọna nuhe na wá jọ to ehelẹ godo lẹ.
20 Na nuhe dù aṣli wiwe sunwhlẹvu ṣinawe he hiẹ mọ to adusilọ ṣie mẹ lẹ podọ miyọ́ngbán-tin sika tọn ṣinawe lọ lẹ tọn: Sunwhlẹvu ṣinawe lọ lẹ nọtena angẹli agun ṣinawe lọ lẹ tọn, podọ miyọ́ngbán-tin ṣinawe lọ lẹ nọtena agun ṣinawe lọ lẹ.+
Nudọnamẹ Odò Tọn
^ Kavi “Nuhe yin didehia; Nuhe yin hunhundonuvo.”
^ Kavi “Amẹn” to Glẹkigbe mẹ.
^ Kavi “A po Z po.” Alfa po Omega po yin wekun tintan po godo tọn po to wekun Glẹki tọn lẹ mẹ.
