Jesu kuuma tiadima
Li binli 2025 cinaa o dana 12, a sibidi daali
Binli kuli, Jeova Siedinba tiendi Jesu kuuma tiadima, kelima wani oba n yedi o ŋoadikaaba ke: “Yin yaa tiendi yeni, ki tiadi n po.”—Luki 22:19.
Ti yii yi, yin cua laa taanli.
Bi niba n maani ki tiendi yaa buali
Jesu kuuma tiadima booli baa waagi bi?
Li kan cie leeri bonyendo.
Li baa tua le?
Buali mani Jeova Siedinba yaaba n kuu leni yi, ban waani yi o kaanu leni o yogunu.
Ti baa paa ki yuandi ki kua bi?
Aah ah.
Naani ti tiendi bu miabu bi?
Aah ah. Jeova Siedinba taana yogunu, bu miabu ki ye.
Yaaba n baa cua baa yie bee tiadi buolu?
Baa ban kaa ñani yaa tiadi ke ti baa yie yeni, Jeova Siedinba moandi ki ŋoa Biibili tundi yaala n tua, ke tin yaa yie yaa tiadi n pia li fangili leni li yukubili. (1 Tɩmote 2:9) Laa tie tiladi tin yie yaa tiadi dunga n paa.
Ti baa tieni bee li taanli yeni yogunu?
Bi ciliti ki go gbendi li taanli yeni leni bu yanbu. Mi cilima leni mi juodima yogunu, Jeova Siedo yendo n baa jaani. Li daali po, ban baa tieni yaa maadikaali yeni baa maadi Jesu kuuma n pia yaa ñoadi, leni lede ke ti baa fidi ki je Jeova leni Jesu n tieni ti po yaala yaa ñoadi.
Yi yaa bua ki bandi ki pugini, yin cogi yaa mayuli n tie: “Pourquoi les Témoins de Jéhovah célèbrent-ils le Repas du Seigneur différemment des autres religions ?”
Yaa bina n ŋoa nni, Jesu kuuma tiadima baa tua bee daali?
Li binli 2025: Cinaa o dana 12 a sibidi daali
Li binli 2026: Cinaa o dana 2 a laamusa daali