MAYO 12, 2023
SUDAN
Padayon Gihapon ang Grabe nga Inaway sa Sudan
Sang Abril 15, 2023, nagsugod ang inaway sa tunga sang duha ka armado nga grupo sa Khartoum, ang kapital sang Sudan. Base sa balita, sobra 600 ka tawo ang napatay kag 5,000 pa ang nasamaran bangod sini nga inaway.
Epekto sa Aton mga Kauturan
Mga kauturan nga nalagyo bangod sa inaway sa Khartoum nga nagatipon para mapabakod ang ila pagtuo sa siudad sang Wad Madani, Sudan
Wala sang nasamaran ukon napatay sa aton mga kauturan
Indi magnubo sa 318 ka kauturan ang nagbakwit. Ang iban nakapalagyo sa kaingod nga mga pungsod
8 ka may edad kag 5 ka kabataan ang na-trap sa ila mga ulubrahan kag mga eskwelahan. Pero sang ulihi nakagua man sila kag nakapauli sa ila mga pamilya
Pagbulig
Ginapalig-on sang mga gulang paagi sa Biblia ang mga naapektuhan
May mga Disaster Relief Committee nga gin-asayn sa Sudan kag sa kaingod nga mga pungsod para mag-organisar kag maghatag sang praktikal nga bulig
Padayon naton nga ginapangamuyo ang aton mga kauturan nga naapektuhan sang inaway samtang ginahulat naton ang palaabuton diin “magabugana ang paghidait.”—Salmo 72:7.
Basi Manamian Ka Man
MGA PIRME GINAPAMANGKOT
Nagabulig Bala ang mga Saksi ni Jehova sa Tion sang Kalamidad?
Hibalua kon paano kami nagabulig sa tion sang kalamidad sa mga Saksi kag sa iban.