Ang amon world headquarters ara sa Estados Unidos sang Amerika. Pero, indi kami Amerikano nga sekta bangod sa masunod nga mga rason:

•   Para sa iban ang sekta isa ka grupo nga nagbulag sa isa ka natukod na nga relihion. Ang mga Saksi ni Jehova wala nagbulag halin sa isa ka relihion. Sa baylo nagapati kami nga gintukod namon liwat ang porma sang Cristianismo nga ginhimo sang unang siglo.

•   Ang mga Saksi ni Jehova aktibo sa ila pagwali sa sobra sa 230 ka kadutaan kag pungsod. Bisan diin man kami nagaistar, ginahatag namon ang amon katutom kay Jehova nga Dios kag kay Jesucristo, indi sa gobierno sang Estados Unidos ukon sa bisan ano nga gobierno sang tawo.—Juan 15:19; 17:15, 16.

•   Ang tanan namon nga panudlo naghalin sa Biblia, indi sa mga sinulatan sang pila ka lider sang relihion sa Estados Unidos.​—1 Tesalonica 2:13.

•   Si Jesucristo ang amon ginasunod, indi ang bisan sin-o nga tawo.​—Mateo 23:8-10.