ZAJ NKAUJ 10
Cia Li Qhuas Peb Tus Vajtswv Yehauvas!
(Ntawv Nkauj 145:12)
-
1. Qhuas Vajtswv! Qhuas Yehauvas xwb!
Qhia nws lub koob meej rau txhua leej!
Tsa suab nthe! Hnub tseem ceeb los ze,
Txhua leej txhua tus neeg yuav tau los ntseeg.
Twb txog lub sijhawm Yehauvas hais tawm
Nws tau tsa nws Leej Tub ua Vaj.
Tshaj tawm txog txoj xov rau txhua tus tau hnov,
Vajtswv txoj hmoov, peb cia li tshaj!
(TXAIS)
Qhuas Vajtswv! Qhuas Yehauvas xwb!
Tshaj nws lub hwjchim kom thoob ntiajteb!
-
2. Qhuas Vajtswv! Cia li tsa suab qw!
Xyiv fab qhuas ua ke nws lub npe!
Hu kawg siab, hu kom tag lub siab,
Nws lub koob lub npe yuav tshaj tsis tseg.
Vajtswv Yehauvas tus muaj hwjchim tshaj
Los nws muaj lub siab dawb siab zoo.
Nws muaj siab khuvleej, siab mos, thiab hlub neeg
Yog peb thov nws, nws yeej yuav mloog.
(TXAIS)
Qhuas Vajtswv! Qhuas Yehauvas xwb!
Tshaj nws lub hwjchim kom thoob ntiajteb!
(Rho ntawm Nt.Nk. 89:27; 105:1; Ylm. 33:11.)