1. Peb npuab siab ntsoov rau Yehauvas,

Peb yeej nyob nraim nws ib sab.

Yog ib pawg ntseeg, muaj siab kub lug,

Xyaum coj raws phau Vajlugkub.

Nws tej lus yeej tsis poob ib lo,

Peb khaws tej lus ntuas txhua nrho.

Nws yog qhov tseeb, peb tso siab tau,

Peb yeej tsis ncaim nws ib zaug.

2. Peb lub siab npuab rau cov kwvtij,

Peb sib pab thaum muaj chaw ti.

Yog neeg siab zoo, ib txwm ntseeg tau,

Coj thiab hais lus zoo txhua zaus.

Peb saib taus cov kwvtij nkauj muam,

Tawm plaws hauv peb nruab siab tuaj.

Peb yeej coj zoo, ib txwm koom siab,

Thiab peb nrog lawv nyob ib phiaj.

3. Npuab siab hlo mloog cov kwvtij hais,

Peb thiaj yuav raws tau lawv nraim.

Thaum lawv qhia peb yam twg thiaj zoo,

Peb yeej yuav tig ntsej los mloog.

Yehauvas thiaj li yuav txaus siab,

Peb ua yam twg nce tes mias.

Thaum peb coj ncaj thiab ntseeg ruaj nreeg,

Peb thiaj yog Vajtswv pawg ntseeg.