ZAJ NKAUJ 37
Pe Hawm Yehauvas Kawg Siab Ntsws
-
1. Yehauvas tus kav txhua tsav yam,
Yog tus Vajtswv kuv xav teev tiam tshaj.
Koj thiaj tsim nyog kuv yuav teev tiam,
Txhua hnub kuv yuav coj yam li koj nyiam.
Koj tej lus nkaw kuv xyaum coj txhua hnub
Thiab mloog tsis dhuav tej koj hais kuv.
(TXAIS)
Yehauvas tus uas thiaj tsim nyog
Kuv pe hawm kawg lub siab lub ntsws hlo.
-
2. Vajtswv txhua yam koj tsim qhuas koj
Tsis hais nyob qaum ntuj los ntiajteb no.
Kuv thov qhuas koj mus tag sim neej,
Pab kuv muaj kev ntseeg rau koj ib leeg.
Cia kuv lub neej teev tiam koj txhua hnub
Thiab sawv nruj nraim ntawm koj tsis nrug.
(TXAIS)
Yehauvas tus uas thiaj tsim nyog
Kuv pe hawm kawg lub siab lub ntsws hlo.
(Rho ntawm 2 Kev. 6:15; Pnk. 40:8; 113:1-3; Tlq. 5:4; Yhs. 4:34.)
