Ua tib zoo npaj. Xav seb vim li cas thiaj sau cov lus uas koj nyeem. Txhob nyeem ib los ib los, tiamsis nyeem sib txuas zws lossis ob peb los ua ke kom npliag. Ua zoo txhob ntxiv lus, nruam lus, thiab hloov lus. Thaum nyeem txog tej cim ntawv, xws li cim xaus (.) thiab cim ncia (,) nco ntsoov nres raws li tej cim ntawd.

Nyeem txhua lo kom raug suab. Yog koj tsis paub nyeem ib lo twg, thov ib tug uas txawj nyeem ntawv los pab koj. Lossis yog twb muab zaj uas koj nyeem ntawd kaw cia lawm ces muab theej tawm los mloog koj thiaj qog tau lub suab.

Nyeem kom meej thuav. Thaum koj nyeem ntawv, txhob nyo nyo hau lossis hais lus pos nrees, tiamsis tsa koj lub taubhau kom siab thiab rua qhov ncauj kom loj zog koj thiaj nyeem tau meej.