KANTIK 82
“Se pou limyè nou klere”
-
1. Jezi Kris ban nou lòd
Pou limyè’n briye,
Menm jan ak solèy la,
Pou’l toujou klere.
Nan Pawòl Bondye a,
Gen pwomès lapè,
Se pou’n preche toupatou
Pou’n jwenn moun sensè.
-
2. Nou swete pou tout moun
Jwenn bon nouvèl la.
Se pou limyè’n klere,
Nan yon monn fènwa.
Se Pawòl Bondye a
Ki pouse’n aji.
Nou bay tout moun mesaj la,
Yo menm y’a chwazi.
-
3. Bèl aksyon nou poze
Tankou bèl bijou,
Yo klere nan monn sa’
Ki pa gen lanmou.
Lè nou fè sa ki dwat,
Limyè’n ap klere,
Konsa, n’ap gen asirans
Nou rejwi Bondye.
(Gade tou Sòm 119:130; Mat. 5:14, 15, 45; Kol. 4:6.)