Nan dat ki te 6 septanm 2021 an, gwo lapli te lakòz inondasyon nan plizyè zòn nan sant peyi Meksik. Nan jou apre a, te gen yon tranblemanntè mayitid 7,1 ki te lakòz gwo dega nan sid Eta Guerrero e ki te lakòz dega nan plizyè Eta nan sant peyi Meksik.

• Inondasyon

  • 61 frè ak sè oblije kite kay yo.

  • 2 Sal Wayòm sibi ti domaj.

  • 68 kay sibi ti domaj.

• Tranblemanntè

  • 71 frè ak sè oblije kite kay yo.

  • 12 frè ak sè blese.

  • 42 Sal Wayòm sibi ti domaj.

  • 220 kay sibi ti domaj.

  • 76 kay sibi gwo domaj.

  • 7 kay kraze.

• Inondasyon

  • Frè ak sè ki te kite kay yo te rete lakay fanmi yo.

  • Kongregasyon nan zòn yo te bay moun ki viktim yo 104 pake ki gen manje.

• Tranblemanntè

  • Frè ak sè ki te kite kay yo te rete lakay fanmi yo oswa lakay lòt Temwen.

  • Frè ak sè ki te blese yo te jwenn swen sante byen vit, kounye a, y ap reprann yo.

Anpil nan frè ak sè ki viktim yo te gen valiz yo ki tou pare pou lè gen katastwòf, e san pèdi tan, yo te suiv konsiy otorite yo nan zòn nan te bay. Siveyan sikonskripsyon yo, avèk èd Komite sekou a, te gen je sou sitiyasyon an epi yo te ankouraje frè ak sè ki viktim yo, toutpandan y ap respekte tout prekosyon yo dwe pran kont COVID-19 la.

Frè ak sè yo kontinye montre yo konte nèt sou Jewova ak òganizasyon l lan nan moman difisil sa yo. Nou gen konfyans Jewova ap kontinye pwoteje yo epi pran swen yo. — Ezayi 26:3.