Հարոլդ Քորկերնը, ով օգնում է Կառավարիչ մարմնի հրատարակչական կոմիտեում, հատուկ ելույթ է ներկայացնում, որի վերնագիրն է. «Ապրիր քո ներուժին համապատասխան»։ Կանոնավորաբար եղբայրներ են գալիս Ուորվիք այստեղ ծառայողներին իրենց ելույթներով քաջալերելու համար։

Սպիտակ պլաստիկ թաղանթը աշխատողներին պաշտպանում է ցրտից և օգնում է շարունակելու իրենց աշխատանքը ձմեռվա ընթացքում։ Շինության այս հատվածում լինելու են ճաշարանը, բուժարանը, խոհանոցը և լվացքատունը։

Էլեկտրիկները պատրաստվում են հոսանքալարեր անցկացնել։ Արդեն ավելի քան 12000 մետր հաղորդալար է անցկացվել բնակելի շենքերում։ Էլեկտրականության հետ կապված աշխատանքները Ուորվիքում սկսվել են տարածքը գնելուց անմիջապես հետո և կշարունակվեն մինչև նախագծի ավարտը։

Աշխատողը վերջին հարկի պատշգամբին կպցնում է կպչուն ժապավեն։ Այնուհետև պատշգամբները պատվում են պոլիմեթիլ մետակրիլատով (PMMA)՝ ջրակայուն թաղանթով։

Հայր ու աղջիկ հոսանքալարեր են անցկացնում։

Աշխատողները ճաշում են ժամանակավոր ճաշարանում։ Ամեն օր սնունդ է պատրաստվում ավելի քան 2000 հոգու համար։

Շինարարների խումբը հիմքի համար մետաղական ամրաններ է հյուսում։

Երեխաների շնորհակալական նամակները շինարարներին։ Շատ կամավորներ կարճ ժամանակով են մասնակցում շինարարությանը։ Ամեն շաբաթ մոտ 500 նոր աշխատողներ են գալիս։ Փետրվարին ամեն օր մոտ 2500 մարդ էր աշխատում շինհրապարակում։

Այս նախագիծը ավելի քան 60 տոկոսով ավարտված է։ 2015թ. հունվարից ապրիլ ընկած ժամանակահատվածում արդեն կանգնեցվել էին բնակելի շենքերի պատերը և պատրաստ էին վարչական գրասենյակների և սպասարկման բաժինների պողպատե կառույցները։ Այդ ընթացքում նաև սկսել էին տեղադրել տեխսպասարկման շենքի բետոնե պանելները, բնակելի շինությունները իրար միացնող միջանցքները և Սթերլինգ Ֆորիսթ լճի (Կապույտ լիճ) պատնեշը։

Տեսարան աստիճանասանդուղք աշտարակի ներքևից։ Վարձու շինարարները կառուցել են հինգհարկանի աշտարակի կմախքը, իսկ Վկա կամավորները լցրել են բետոնե շաղախը։

Շինարարները ձմռան ցրտին հյուսում են առաջին հարկի ամրանները։ Հունվարից մարտ ընկած ժամանակահատվածում Ուորվիքում տեղացել է ավելի քան 127 սանտիմետր ձյուն։ Աշխատողները միշտ մաքրում էին ձյունը շինհրապարակից։ Նրանք տաքանում էին ջեռուցվող սենյակներում։

Տանիքի վրա ամրացվում է մետաղական ծածկ։ Մինչև ապրիլի վերջ ավարտվեց բնակելի շենքերի սրածայր տանիքների գրեթե մեծ մասի կառուցումը։ Բնակելի շենք B-ի տանիքի կառուցումը վերջնականապես ավարտվեց հունիսի կեսերին։

Բնակելի շենք B-ի տեսքը վերամբարձ կռունկից։

Ջրմուղագործները քննարկում են բնակիչների ավտոկայանատեղիի գծագիրը։ Ամբողջ նախագծի համար անհրաժեշտ է ավելի քան 3400 գծագիր։

Աշխատողները կռունկի օգնությամբ պլաստիկ պաշտպանիչ թաղանթ են անցկացնում շինության վրա։ Անվտանգության դասընթացները ապահովում են կռունկների և այլ տեխնիկայի անվտանգ օգտագործումը։ Դրանց ժամանակ ընդհանուր տեղեկություն է տրվում անվտանգության կանոնների մասին, սովորում են օգտվել մկրատաձև վերելակներից, բարձրությունից չընկնելու համար նախատեսված հատուկ ամրագոտիներից, հակագազերից, ծանոթանում են նախազգուշական ազդանշաններին։ Նաև սովորում են, ինչպես ճիշտ ամրացնել ծանր բեռները կռունկով տեղափոխելիս։

Արևմուտք. բնակելի շենքեր։ Ապրիլի վերջում A, B, D բնակելի շենքերում ընթացքի մեջ էին մեխանիկական և էլեկտրական համակարգերի հետ կապված լայնածավալ աշխատանքները։ Իսկ C բնակելի շենքում (չի երևում նկարում), սկսվել էին միջնորմների տեղադրման, սալիկապատման, և ներկման աշխատանքները։

Երկու աշխատողներ, կռունկի վրա կանգնած, դրսի պատը ներկում են անջրանցիկ և օդամեկուսիչ ներկով։ Այդ ներկը յուրաքանչյուր բնակելի շենքին քսելը տևում է մոտ երկու ամիս։

Որմնադիրները գրանիտե պատ են շարում։ Շինության այս հատվածում են լինելու բեռնափոխադրումների և այլ տարբեր ծառայությունների բաժինները։

Վարձու ջրասուզակը Կապույտ լճում հին փականը փոխում է նորով։ Ընդամենը կոճակի մեկ սեղմումով կարելի է իջեցնել լճի ջրի մակարդակը, որը կկանխի ջրհեղեղը փոթորկի ժամանակ։