2021 թ. հունիսի 27-ին թամիլ լեզվով «Աստվածաշնչի նոր աշխարհ թարգմանությունը» լույս է ընծայվել լատինատառ։ Ծրագիրը օնլայն հեռարձակվել է 16 երկրներում ապրող թամիլախոս եղբայրներին և քույրերին։

• Ամբողջ աշխարհում թամիլ լեզվով խոսում է ավելի քան 85 միլիոն մարդ։

• Թամիլախոս 334 ժողովներում և 32 խմբերում ծառայում է ավելի քան 20 500 քարոզիչ։

• Նախագծի վրա 6 ամիս աշխատել են 5 թարգմանիչներ։

«Աստվածաշնչի նոր աշխարհ թարգմանության» թամիլատառ տարբերակը լույս է ընծայվել 2016 թ. սեպտեմբերին։ Դա մեծ օրհնություն էր այդ լեզվով խոսող քարոզիչների համար, սակայն շատերը դժվարանում են կարդալ թամիլատառ տեքստ և նախընտրում են կարդալ լատինատառ։

Թարգմանիչներից մեկը իր անձնական ուսումնասիրության վերաբերյալ ասաց. «Ես դժվարանում էի թամիլատառ Աստվածաշունչը կարդալ և հիմնականում անգլերեն թարգմանությունից էի օգտվում։ Աստվածաշնչի այս նոր թարգմանությունը իսկական օրհնություն է ինձ համար»։

Վստահ ենք, որ այն կօգնի մեր հավատակիցներին «կիսաձայն» կարդալ Աստծու Խոսքը և ուրախություն ստանալ իրենց քրիստոնեական կյանքից ու ծառայությունից (Հեսու 1։8, ծնթ.)։