2019 թ. ապրիլի վերջից Պարագվայում տեղացող հորդառատ անձրևները ավերիչ ջրհեղեղ են առաջացրել Պարագվայ գետի երկայնքով, ինչի հետևանքով զոհվել է առնվազն վեց մարդ։

Պարագվայի մասնաճյուղը տեղեկացնում է, որ տուժել են այդ երկրի տարբեր քաղաքներում բնակվող մեր հավատակիցներից 137-ը։ Մայրաքաղաք Ասունսիոնում ջրհեղեղի ջրերը ճեղքել են Թագավորության սրահի պատը, որտեղ անցկացվում էր Թագավորության քարոզիչների դպրոցը։ Բարեբախտաբար, ոչ ոք չի տուժել։

Մասնաճյուղը տուժած եղբայրներին ու քույրերին արդեն ուղարկել է սննդամթերք, ջուր և այլ անհրաժեշտ պարագաներ։ Քանի որ ջրհեղեղը դեռևս չի դադարել, մասնաճյուղը ուշիուշով հետևում է իրավիճակին և կշարունակի թե՛ նյութական, թե՛ հոգևոր օգնություն տրամադրել նրանց։

Մենք աղոթքներում հիշատակում ենք Պարագվայի մեր հավատակիցների մասին։ Գիտենք, որ այս դժվարին ժամանակներում Եհովան «ամուր տուն» կլինի նրանց համար (Սաղմոս 31:2)։