Սուրբ Գիրքը շատ բաներ կը խոստանայ եւ շատ խրատներ կու տայ։ Թերեւս հետաքրքրուած ես գիտնալով թէ ի՛նչ կը սորվեցնէ, բայց կրնայ ըլլալ քեզի համար դժուար է Սուրբ Գիրքին վստահիլ։ Պէ՞տք է վստահիս այս հին գիրքին տուած խոստումներուն եւ խրատներուն։ Իրապէս կրնա՞ս հաւատալ անոր ըսածներուն, թէ կրնանք կեանքը վայելել հիմա եւ ապագային։ Միլիոնաւոր մարդիկ ասոր կը հաւատան։ Տեսնենք եթէ դուն ալ կրնաս հաւատալ։

1. Սուրբ Գիրքին դէպքերը իրակա՞ն են

Ըստ Սուրբ Գիրքին, իր ըսածները «ճշմարիտ խօսքեր» են (Ժողովող 12։10)։ Անոր մէջ իրական դէպքեր եւ իրական մարդիկ յիշուած են (կարդա՛ Ղուկաս 1։3 եւ 3։1, 2)։ Շատ մը պատմաբաններ եւ հնագէտներ հաստատած են, որ Սուրբ Գիրքին յիշած կարեւոր թուականները, մարդիկը, վայրերը եւ դէպքերը ճիշդ են։

2. Ինչո՞ւ կրնանք ըսել, որ Սուրբ Գիրքը օգտակար է, թէեւ հին գիրք է

Սուրբ Գիրքը շատ անգամ կ’ըսէ բաներ, որոնք այդ ժամանակուան մարդիկը չէին գիտեր։ Օրինակ, կը խօսի գիտական նիւթերու շուրջ, որոնց մասին մարդիկ տարբեր–տարբեր կարծիքներ ունէին։ Բայց մեր օրերու գիտութիւնը կը փաստէ, թէ ի՛նչ որ Սուրբ Գիրքը կ’ըսէ, ճիշդ է։ Անոր խօսքերը «յաւիտեանս յաւիտենից հաստատուած են» (Սաղմոս 111։8)։

3. Ինչո՞ւ կրնանք վստահիլ ապագային մասին Սուրբ Գիրքին ըսածներուն

Սուրբ Գիրքին մէջ կան մարգարէութիւններ, որոնք «դեռ չեղածը» առաջուընէ կը պատմեն (Եսայի 46։10)։ Սուրբ Գիրքը շատ մը պատմական դէպքերու մասին մարգարէացաւ անոնց ըլլալէն շա՜տ առաջ։ Անիկա նաեւ մանրամասնօրէն մարգարէացաւ աշխարհի ներկայ վիճակներուն մասին։ Այս դասին մէջ, նկատի պիտի առնենք Սուրբ Գիրքին մարգարէութիւններէն ոմանք։ Պիտի զարմանաս, որ անոնք ա՛յսքան ճիշդ են։

 ԱՄՓՈՓՈՒՄ

Պատմութիւնը, գիտութիւնը եւ մարգարէութիւնները՝ բոլորը ցոյց կու տան, թէ կրնա՛ս Սուրբ Գիրքին վստահիլ։

Վերաքաղ

• Սուրբ Գիրքին դէպքերը իրակա՞ն են։

• Գիտութիւնը ո՞ր կարգ մը նիւթերուն շուրջ Սուրբ Գիրքին հետ կը համաձայնի։

• Կը հաւատա՞ս որ Սուրբ Գիրքը կրնայ ապագային մասին մարգարէանալ։ Ինչո՞ւ այդպէս կը պատասխանես։