Omambo wokomeho wOrupa 2
Ongwaye Jehova tja eta omupupo mbwa nyona ouye woruveze ndo? Oruveze orukuru ovandu tji va utwa, pa ri ombata pokati kouwa nouvi. Ovandu tjiva tjimuna ooAdam, Eva nomuatje wawo Kain va toorora omunda imbwi omuvi. Nu ovandu tjiva tjimuna ooAbel na Noa, va toorora omunda imbwi omuwa. Ovandu ovengi va rira ovavi tjinene nga Jehova tja yandeka ouye ourunde mbwo. Orupa ndwi maru tu vatere okutjiwa kutja Jehova u muna kutja twa toorora omunda uṋe nokutja kamaa yandjere kutja ouvi u taare ouwa.
MORUPA NDWI
EHONGWA 3
Adam na Eva kave karere nonḓuviro ku Mukuru
Otjikeṋa tji tja ri otjapeke ohunga nomuti umwe mbwa ri motjikunino tjaEden? Ongwaye Eva tja rya kotjihape?
EHONGWA 4
Omazenge ya eta omazepero
Mukuru wa yakura ombunguhiro yaAbel posiya kena pa yakura indji oyaKain. Indu Kain tja muna otjiṋa hi, eye wa pindika tjinene nga tja tjita otjiṋa otjiyaukise.
EHONGWA 5
Oskepi yaNoa
Indu ovaengeli ovarunde tji va kupa ovakazendu kombanda yehi, owo va panduka ovazandu mba ri ovarenaka nu mbaave tatumisa ovandu. Ouvi wa takavarere koṋa akuhe. Posiya Noa wa pangukire, orondu eye wa suvere Mukuru nu wa ri nonḓuviro ku ye.
EHONGWA 6
Ovandu hambondatu omba yamwa kOmupupo
Omupupo mbwi wa eta ombura ndja roka oure womayuva 40 nomauṱuku 40. Noa neṱunḓu re va ri moskepi oure wombura imwe. Korusenina, owo va yenena okupita.
