Kenyau ari bulan April 2019, ujan bangat ke nyadi ba Paraguay ngujungka endur tu ampuh bah ba sepemanjai Sungai Paraguay. Abis nadai enam iku nyawa udah bebadi ketegal penusah tu.

Pampang opis Paraguay madahka riput, bisi 137 iku bala menyadi kitai kena empas penusah tu. Ba bandar Asunción, ampuh bah tu udah ngerusak dinding siti Palan Gempuru ke deka dikena endur Sekula Penginjil Perintah Petara. Tang, kitai amat beterima kasih laban nadai sesapa bakal laban penusah tu.

Pampang opis udah meri bantu ba pemakai, ai irup, sereta utai guna ke bukai ngagai semua menyadi kitai ke ditinggang penusah tu. Tang, ketegal ampuh bah tu lalu enda ngetu, pampang opis terus ngemataka bala menyadi sereta meri bantu lalu meransang sida.

Aram meh semua kitai sama bela besampika bala menyadi ke ditinggang ampuh bah ba Paraguay, ngambika sida ulih tetap sabar, lalu andalka Jehovah “ngelindung” sida ba maya ti tusah tu.—Masmur 31:2.