AGOSTO 15, 2019
UNITED STATES
Phoenix, United States—2019 “Ti Ayat Saan a Pulos Agpatingga”! nga Internasional a Kombension
Petsa: Agosto 9-11, 2019
Lokasion: Chase Field iti Phoenix, Arizona, United States
Lengguahe ti Programa: English
Kangatuan a Bilang ti Immatender: 40,237
Bilang ti Nabautisaran: 352
Bilang ti Delegado Manipud iti Agduduma a Pagilian: 5,000
Naawis a Sangay: Australasia, Britain, Canada, Central Europe, Chile, France, Greece, India, Italy, Korea, Micronesia, Scandinavia, Sri Lanka, Tahiti, Thailand, Trinidad and Tobago, Turkey
Kapadasan: Kastoy ti inkomento ni Steve Moore, ti presidente ken CEO ti Visit Phoenix, a tumultulong iti pannakaireserba dagiti kombension, hotel, ken resort iti Phoenix: “Nabayagakon iti daytoy a trabaho, ket [daytoy a kombension] ti kasayaatan pay laeng ti pannakaorganisarna a nakitak. Maragsakanak a nakipagtrabaho kadakayo. Maysa pay, inkariyo a dalusan ti istadium sakbay a panawanyo. Dakayo laeng ti mangar-aramid iti dayta.”
Sibabara nga ab-abrasaen dagiti kakabsat dagiti delegado iti Sky Harbor International Airport iti Phoenix
Dagiti kakabsat iti Phoenix a nakasagana a mangpasangbay kadagiti delegado iti sango ti maysa a hotel
Iti bigat ti Biernes, ginasut a kakabsat ti siraragsak a mangpaspasangbay kadagiti sumangsangpet a delegado iti Chase Field
Dagiti delegado, a dadduma ti nakasuot iti tradisional a bado, a dumdumngeg iti programa
Dua kadagiti 352 a kabbaro a kakabsat a nagpabautisar
Ni Brother Samuel Herd, a miembro ti Bagi a Manarawidwid, a mangiparparang iti maudi a palawag iti maikadua nga aldaw ti kombension
Dagiti delegado nga agpikpiktiur iti maysa a parke ti siudad
Dagiti kakabsat a nakalugan iti kalesa a paset ti displey ti ili manipud iti 19th century American West
Dagiti delegado nga agserserbi iti amin-tiempo a magmagna iti istadium iti maudi a programa iti Domingo
Baka Kayatmo Met ti
MAIPAPAN KADAKAMI
Atenderam ti 2024 a Kombension—“Ipakaammo ti Naimbag a Damag!”
Naimpusuan nga awisendaka nga umatender iti tallo nga aldaw a kombension nga insagana dagiti Saksi ni Jehova ita a tawen.
