Salmo 149:1-9
149 Idaydayawyo ni Jah!*
Kantaanyo ni Jehova iti baro a kanta;+Idaydayawyo iti kongregasion* dagiti napudno.+
2 Agragsak koma ti Israel iti Naindaklan a Nangaramid kenkuana;+Agrag-o koma dagiti annak ti Sion iti Arida.
3 Agsalada koma a mangidaydayaw iti naganna+Ken agkantada iti panangidaydayaw,* a madanggayan iti pandereta ken arpa.+
4 Ta maragsakan ni Jehova kadagiti tattaona.+
Isalakanna dagiti naemma tapno maitan-okna ida.+
5 Agragsak koma dagiti napudno gapu iti dayagda;Gapu iti ragsak, agriawda koma iti pagiddaanda.+
6 Agkanta koma dagiti ngiwatda iti pakaidaydayawan ti Dios,Ket adda koma iti imada ti espada a dua ti tademna,
7 Tapno mabales dagiti nasion,Ken madusa dagiti tattao,
8 Tapno maposasan dagiti aridaKen makawaran dagiti prominente kadakuada,
9 Tapno maipataw ti pannakaukom a naisurat maibusor kadakuada.+
Maited daytoy a dayaw iti amin a napudno kenkuana.
Idaydayawyo ni Jah!*
Footnotes
^ Wenno “Hallelujah!” Ti “Jah” ket napaababa a porma ti nagan a Jehova.
^ Wenno “ummong.”
^ Wenno “agputarda iti musika.”
^ Wenno “Hallelujah!” Ti “Jah” ket napaababa a porma ti nagan a Jehova.
