KANTA 34
Pannagna nga Awan Pagkuranganna
(Salmo 26)
-
1. Pangngaasim, Apo, usigennak.
Kitaem no adda pakababalawak.
Subokennak, O Dios, pasudiennak.
Kitaem toy pusok, ket bendisionannak.
(KORO)
O Jehova, determinadoak
A magna nga awan ti pagkuranganna.
-
2. Daydiay ulbod diak pakigayyeman.
Diay mangumsi kenka diak pakikaduaan.
Managdakdakes inka dusaen,
Ngem dinakto kad iraman a pukawen.
(KORO)
O Jehova, determinadoak
A magna nga awan ti pagkuranganna.
-
3. Iti templom, Apo, agserbiak.
Sika ti inaldaw a pagdaydayawak.
Likmutek nadayag nga altarmo.
Iyebkasko kenka ti panagyamanko.
(KORO)
O Jehova, determinadoak
A magna nga awan ti pagkuranganna.
(Kitaem met ti Sal. 25:2.)