Buya manipud iti makin-abagatan a laud, a matannawagan ti Sterling Forest Lake (Blue Lake) iti amianan. Iti makinsango a paset, maar-aramid ti basement ti residence D. Iti asideg ti lake, maisagsagana ti pannakakonkreto ti residence C.

Dagiti trabahador nga agas-asembol iti banio, a maawagan pod, a maikabil kadagiti residence building. Addaan dagitoy a pod kadagiti frame, wallboard, adda met maiplastar a tubo ken waya ti koriente, pagnaan ti angin, ken pannakaserra ti bathtub. Makompletonto laeng ti banio inton maiplastar ti pod iti residence building.

Dagiti tubero nga agtrabtrabaho iti basement. Bayat ti panagibangon, agserbi dayta kas panganan ti agarup 500 a trabahador, ken adda pay dadduma a paset ti building a panganan ti 300 pay a trabahador. Inton dandani malpas ti proyekto, maikkatto daytoy a temporario a dining room tapno mairingpas daytoy a building para iti pannakamantener dagiti lugan.

Dagiti trabahador a mangiwarwaras iti espesial ti pannakaisaganana a daga para iti atep (green roof). Dagita nga atep nga addaan kadagiti agtubo a ruot ket makatulong iti aglawlaw gapu ta pabassitenna ti mausar nga enerhia, kissayanna ti agayus a danum gapu iti tudo, ken sagatenna dagiti rugit manipud iti tudo.

Daytoy a patakder ket buklento ti tallo nga agdedekket a pasdek, a ti kalawa ti suelo dagitoy ket agdagup iti 42,000 a metro kuadrado (450,000 sq ft). Makita ditoy dagiti kontraktor a mangiplasplastar kadagiti landok a mausar para kadagiti adigi.

Trabahador nga agus-usar iti propane torch para iti aspalto nga atep. Nakasuotda kadagiti harness tapno saanda a matnag.

Pannakaiplastar ti naasembol a ductwork ken HVAC equipment. Kadagiti Saksi nga agtrabtrabaho kadagiti proyekto iti Warwick, agarup 35% kadakuada ket babbai.

Nagatang daytoy a pasilidad idi Pebrero 2014 a mausar iti proyekto. Agserbi daytoy a pasilidad kas bodega ken lugar a pagsangalan. Ti uneg daytoy ket aglawa iti 20,000 a metro kuadrado (220,000 sq ft). Dagiti makita a puraw iti makinngato a kannawan ti retrato ket dagiti pod ti banio a nakasaganan a maipatulod.

Ti makitkita ditoy ket ti makin-amianan a daya a paset ti site. Agnaedto ditoy a pasdek ti agarup 200 a miembro ti hedkuarter. Ti kadakkel ti kaaduan a kuarto ket adda iti nagbaetan ti 30 ken 55 a metro kuadrado (350 ken 600 sq ft). Addaanto dagitoy iti bassit a kosina, banio, ken bassit a beranda.

Maisagsagana ti site a pagibangonan. Iti makinngato a kannigid ti retrato, rumrumeken ti makina dagiti nakali a bambanag a mausarto iti proyekto. Inton malpas ti intero a proyekto, agarup 260,000 a metro kubiko (340,000 cu yd) a daga ti maikkaten manipud iti lugar a pagibangonan iti Warwick. Inaldaw nga agarup 23 a bagon ti maus-usar.

Mamulmulaan dagiti atep kadagiti ruot.

Manipud iti boom (atiddog a paset a pagibagkat) ti dakkel a crane, makita ti buya ti makin-abagatan a laud manipud iti ngatuen ti office building. Iti makimbaba a kannigid, makita ti nalpasen a Visitor Parking Building. Inaldaw a mapno daytoy kadagiti lugan dagiti agtrabaho. Dadduma a Saksi ti agmaneho iti 12 nga oras a mapan iti site tapno agboluntario iti tallo wenno uppat laeng nga aldaw.

Dandanin malpas ti temporario a dining room. Babaen kadagiti video monitor (saan pay a naikapet) ken dagiti speaker a naikapet iti bobida, dagiti trabahador mangngeg ken mabuyada ti morning worship ken dadduma pay a naespirituan a programa manipud iti sanga nga opisina ti United States.

Pannakabuhos ti umuna a kadsaaran. Iti kannawan, agus-usar ti maysa a trabahador iti concrete vibrator tapno masigurado nga awan awang ti konkreto ken nasaysayaat ti pannakasedsed ti konkreto.

Dagiti tubo a pagnaan ti waya ti koriente iti tengnga ti pasdek, a nakasaganan a mabuhusan iti basement slab.

Dandanin malpas ti pannakabuhos ti suelo ti umuna a kadsaaran. Daytoy pay laeng ti kaaduan a buhos iti proyekto iti Warwick, nga agdagup iti 540 a metro kubiko (700 cu yd). Ti naibuhos a semento ket naisagana iti batch plant (pakatemplaan ti semento ken graba) nga adda iti site, sa intulod ti walo a mixing truck ken nausar ti dua a concrete pump. Naibuhos dayta iti agarup 5.5 nga oras. Iti tengnga ti retrato, naipatakder ti maysa kadagiti torre nga ayan ti agdan ti building.

Maar-aramid ti barandilias ti atep. Iti makinngato a kannawan ti retrato, madama a maar-aramid ti basement ti residence A.

Ingatngato ti crane iti maikatlo a kadsaaran ti nalpasen a pod ti banio. Adu dagiti material a nasangal a nasaksakbay para iti proyekto iti Warwick. Gapu iti dayta, maliklikan ti panaglilinnetnet iti site ken al-alisto ti trabaho.

Dagiti kontraktor nga agikapkapet kadagiti semento a diding, a naaramid a nasaksakbay ken nainut iti enerhia. Natinaan dagiti konkreto a diding tapno saanen a kasapulan a mapintaan ken basbassit ti kasapulan a pannakamantenerna. Gapu ta alisto a maiplastar, makatulong daytoy iti pannakalpas ti proyekto iti naikeddeng a tiempo.

Buya manipud iti makin-abagatan a laud. Iti makinsango a paset, nakasaganan dagiti pormas para iti sumaganad a kadsaaran ti residence D. Iti likud dayta, dandanin malpas ti istraktura ti residence C.