Iti Biblia, ti termino a Griego a maipatpatarus no dadduma kas “simbaan” wenno church iti Ingles, ket tumuktukoy iti grupo dagiti agdaydayaw, saan nga iti patakder a paggigimongan wenno pagtataripnonganda.

 Kitaem daytoy a pagarigan: Idi sinuratan ni apostol Pablo dagiti Kristiano idiay Roma, impaw-itna ti pakomustana iti agassawa a da Aquila ken Priscila, sa imbagana: “Pakomustaak met ti simbaan nga aggigimong iti balayda.” (Roma 16:5, Contemporary English Version) Saan a patakder ti kayat a pakomustaan ni Pablo. Imbes ketdi, pakpakomustaanna dagiti tao—ti kongregasion a nagtataripnong iti dayta a balay. a

 Isu nga imbes nga awaganmi iti simbaan ti lugar a pagdaydayawanmi, aw-awaganmi dayta iti “Kingdom Hall.”

 Maitutop daytoy nga awag gapu kadagitoy a rason:

•   Ti patakder ket maysa a hall, wenno lugar a pagtataripnongan.

•   Agtataripnongkami tapno agdaydayaw ken ni Jehova, ti Dios iti Biblia, ken tapno mangipaaykami iti pangsaksi, wenno paneknekanmi ti maipapan kenkuana.—Salmo 83:18; Isaias 43:12.

•   Agtataripnongkami met tapno agsursurokami ti maipapan iti Pagarian ti Dios, a kanayon nga isarsarita ni Jesus.—Mateo 6:9, 10; 24:14; Lucas 4:43.

 Awisendaka a mapan iti maysa a Kingdom Hall nga asideg iti lugaryo tapno makitam no kasano nga aggigimong dagiti Saksi ni Jehova.