SEGJA má að lífið snúist ekki um að hafa bestu spilin á hendi heldur að kunna að spila vel úr þeim sem maður hefur. Nú á dögum hefur enginn fullkomnar aðstæður til að spila úr. Galdurinn við að stjórna lífi sínu liggur oft í því að vera sáttur við þær aðstæður sem maður býr við og að læra að takast á við lífið innan þeirra marka sem aðstæðurnar setja manni. Gott er ef þú nærð að hafa einhverja stjórn á lífinu þegar aðstæður eru slæmar. Enn betra er ef aðstæðurnar batna með tímanum. En það besta er þó framundan.

Því er lofað í Biblíunni að sá tími komi að allir geti haft góða stjórn á eigin lífi. Þeir fá að njóta lífsins til fulls án þess að þjakandi aðstæður, daglegt álag og neikvæðar tilfinningar hamli þeim. (Jesaja 65:21, 22) Í Biblíunni er það kallað „hið sanna líf“. – 1. Tímóteusarbréf 6:19.