1. Iina di Baibl wi kyan riid bout Siera,

Esta an Abigiel, Ruut, an adaz tu.

Dem chrai fi du wa Jeuova se fi du.

Dem rispek dem ozban, an dem chriit dem gud.

Yu av nof muor uman we did fietful;

Wi no nuo dem niem, bot Jeuova lov dem tu.

2. Aal a wi laik wen piipl kain an lovin,

Wen dem luk out fi wi an tek taim wid wi.

Dat a di wie ou wi Gad waahn wi fi stie.

An wi sista dem rait nou a shuo riil lov.

Wi fi chrai fi fala dem egzampl,

Shuo a wilin spirit, an put Jeuova fos.

3. So nou wi fietful sista, mek wi tel yu

Umoch wi lov yu; wi glad fi aal yu du

Kaaz yu a chrai gi yu bes an du wa gud,

An yu Gad, Jeuova, proud a yu kyaahn don.

Nou wi beg im kip yu an protek yu,

Gi yu schrent an korij kaa Paradais suun kom.