სოფონია 1:1—18
1 იეჰოვას სიტყვა ეუწყა სოფონიას*, ხიზკიას ვაჟის, ამარიას ვაჟის, გედალიას ვაჟის, ქუშის ვაჟს, იუდას მეფე იოშიას,+ ამონის+ ვაჟის დროს:
2 „ყველაფერს აღვგვი მიწის პირიდან, — ამბობს იეჰოვა.+ —
3 ბოლოს მოვუღებ ადამიანსაც და ცხოველსაც,
ბოლოს მოვუღებ ფრინველებს ცაში და თევზებს ზღვაში,+მოვსპობ დაბრკოლებებს*+ ბოროტებთან ერთად.აღვგვი ხალხს მიწის პირიდან, — ამბობს იეჰოვა. —
4 ხელს აღვმართავ იუდასადა იერუსალიმის მკვიდრებზედა წავშლი იქიდან ბაალის+ თაყვანისმცემლობის ყოველგვარ კვალს,ქურუმთა და მღვდელთა სახსენებელს.+
5 მოვსპობ მათ, ვინც ბანებზე თაყვანს სცემს ცის ლაშქარს,+ვინც პირქვე ემხობა და ერთგულებასიეჰოვასაც ეფიცება+ და მალქამსაც,+
6 ვინც ზურგს აქცევს იეჰოვას,+ვინც თაყვანს არ სცემს იეჰოვას და რჩევისთვის არ მიმართავს“.+
7 დადუმდით უზენაესი უფლის, იეჰოვას წინაშე, რადგან ახლოს არის იეჰოვას დღე.+
იეჰოვამ მსხვერპლი მოამზადა;მან განწმინდა ისინი, ვინც მიიწვია.
8 „მე, იეჰოვა, მსხვერპლის შეწირვის დღეს პასუხს მოვთხოვ მთავრებს,უფლისწულებს+ და ყველას, ვისაც უცხოური სამოსელი აცვია.
9 იმ დღეს პასუხს ვაგებინებ ყველას, ვინც კვარცხლბეკზე* მიძვრება,ვინც თავისი ბატონის სახლს ძალადობითა და მზაკვრობით ავსებს.
10 იმ დღეს, — ამბობს იეჰოვა, —გაისმება ყვირილი თევზის კარიბჭიდან,+მოთქმა — ქალაქის მეორე უბნიდან+და დიდი ნგრევის ხმა — გორებიდან.
11 იგლოვეთ, მაქთეშის* მკვიდრნო,რადგან დაიხოცა ყველა ვაჭარიდა შეიმუსრა ყველა, ვინც ვერცხლს წონიდა.
12 იმ დროს ლამპრებით გულდასმით დავათვალიერებ იერუსალიმსდა პასუხს მოვთხოვ არხეინად მყოფთ, გულში რომ ამბობენ,იეჰოვა არც კარგს მოიმოქმედებს და არც ცუდსო.+
13 დაიტაცებენ მათ სიმდიდრეს და გაპარტახდება მათი სახლები.+
ააშენებენ სახლებს, მაგრამ იქ ვერ იცხოვრებენ,გააშენებენ ვენახებს, მაგრამ ღვინოს ვერ დალევენ.+
14 ახლოს არის იეჰოვას დიდი დღე,+
ახლოს არის და სწრაფად მოდის!+
იეჰოვას დღეს მწარე მოთქმის ხმა გაისმება;+
მაშინ მებრძოლნიც კი აყვირდებიან.+
15 რისხვის დღეა ის,+გასაჭირისა და ტანჯვის დღე,+ქარიშხლისა და გაპარტახების დღე,სიბნელისა და უკუნეთის დღე,+ღრუბლებისა და წყვდიადის დღე,+
16 დღე, როცა საყვირს ჩაჰბერავენ და საბრძოლო ყიჟინას დასცემენ+გამაგრებული ქალაქებისა და კუთხის მაღალი კოშკების წინააღმდეგ.+
17 გასაჭირს მოვუვლენ ხალხსდა ბრმებივით ივლიან,+რადგან შესცოდეს იეჰოვას.+
მტვერივით გაიფანტება მათი სისხლიდა ნეხვივით ეყრება მათი შიგნეული.+
18 ვერც ვერცხლი იხსნის მათ იეჰოვას მრისხანების დღეს და ვერც ოქრო.+მისი მოშურნეობის ცეცხლი შთანთქავს მთელ დედამიწას;+ის სასტიკად შემუსრავს დედამიწის ყველა მკვიდრს“.+
სქოლიოები
^ ნიშნავს: „იეჰოვა მალავს (განძივით ინახავს)“.
^ სავარაუდოდ, იგულისხმება კერპები ან საკერპო რიტუალები.
^ შესაძლოა იგულისხმებოდეს მეფის ტახტის კვარცხლბეკი.
^ სავარაუდოდ, იგულისხმება იერუსალიმის ერთ-ერთი უბანი თევზის კარიბჭესთან ახლოს.