ღვთის სიტყვა, ბიბლია ააშკარავებს, რომ სატანა რეალური პიროვნებაა, რომელიც კრიმინალური სამყაროს ძლიერი ლიდერის მსგავსად, აკონტროლებს, სრულდება თუ არა მისი ნება „ცრუ ნიშნითა“ და „უმართლო ცდუნებით“. ბიბლიაში ნათქვამია, რომ იგი „სინათლის ანგელოზის სახეს იღებს“ (2 თესალონიკელები 2:9, 10; 2 კორინთელები 11:14). ეშმაკის არსებობას ადასტურებს ის საქმეები, რომელთაც ის იწვევს.

 მაგრამ, რატომ შეგვიძლია ვთქვათ, რომ მხოლოდ ეშმაკი არ არის ჩვენი პრობლემების მიზეზი? ღმერთმა ადამიანები ისე შექმნა, რომ მათ შეუძლიათ თავად გადაწყვიტონ, კარგად მოიქცევიან თუ ცუდად (იესო ნავეს ძე 24:15). თუ არასწორ არჩევანს ვაკეთებთ, ცუდ შედეგებს მოვიმკით (გალატელები 6:7, 8).