წასაღებად ამზადებენ თაღს, რომელსაც ხიდის ასაგებად გამოიყენებენ. თაღი რომ არ დაზიანებულიყო, ტრანსპორტირებისას გამოიყენეს მანქანის საბურავები. ხიდი გაიდება ჭაობიან ტერიტორიაზე, რის წყალობითაც გარემო ნაკლებად დაზიანდება.

სახურავები დაფარულია თექვსმეტი სახეობის სქელფოთლებიანი მცენარეებით, რომლებიც ფერს იცვლიან. გამწვანებული სახურავები არა მარტო გარემოს დაცვას უწყობს ხელს ძლიერი წვიმების დროს, არამედ მისი წყალობით ნაკლები ელექტროენერგია იხარჯება.

დურგალი სამზარეულოში აყენებს პლინთუსებს. 2016 წლის თებერვლისთვის სამზარეულოებში ავეჯის 60 პროცენტზე მეტი უკვე განთავსებული იყო.

„საგუშაგო კოშკის“ ლოგოს გასანათებლად ელექტრიკოსები აყენებენ დიოდის ნათურებს.

ღამით განათებული კოშკურა და ადმინისტრაციული შენობა, სადაც განთავსებულია მიმღები. კოშკურიდან სტუმრებს შეუძლიათ დატკბნენ ულამაზესი ხედებით.

აგებენ სამაშველო ავტომობილების სავალ გზას. დროებითი დამცავი საფარი მშენებლობის დროს ნიადაგს ეროზიისგან იცავს.

მოხალისეები ამონტაჟებენ ასაწყობი ტიპის მინის სახურავს ლიფტის ოთახისთვის. ადმინისტრაციულ შენობაზე 11 ასეთი სახურავია დამონტაჟებული. შედეგად ოთახები დღის შუქით განათდება.

აცეტილენური საჭრელი აპარატით შემდუღებელი ჭრის ნახშირბადოვანი ფოლადის მილს ცივი წყლის სისტემისთვის.

მოხალისე ამონტაჟებს ხის პანელს, რაზეც ფანჯრის რაფა დამაგრდება.

წვიმიან დღეს აგებენ ფილებს. სურათის მარჯვენა მხარეს ჩანს, როგორ მიმდინარეობს მიწის ზედაპირის მოსწორება. წინა პლანზე ჩანს ჰიდრავლიკური ექსკავატორი, რომლითაც ხდება ფილების დაწყობა. სურათის მარცხენა მხარეს ვხედავთ, რომ მიწა სპეციალური ბრეზენტითაა დაფარული, რაც მას ეროზიისგან იცავს.

მოხალისეებს საშუალო ძაბვის კაბელები გაჰყავთ ქვესადგურამდე, რომელიც შენობებს ელექტროენერგიით უზრუნველყოფს.

მოხალისე მუშაობს სახურავზე, რომლითაც გადახურულია ავტოსადგომიდან ოფისებამდე მისასვლელი გზა. სახურავი სტუმრებს წვიმისა და თოვლისგან დაიცავს.

ტექნიკოსს შეჰყავს საქვაბეების მონაცემები მართვის პანელში. ოთხივე საქვაბე უკვე დაყენებულია.

მექანიკოსები სამრეცხაოში ამონტაჟებენ საშრობებს. ეს საშრობები 6-დან 45 კგ-მდე სარეცხს გააშრობს. სარეცხი მანქანები დამონტაჟდება მარცხენა მხარეს.

ხელმძღვანელი საბჭოს წევრი, გერიტ ლოში, უძღვება „საგუშაგო კოშკის“ ოჯახურ შესწავლას ბეთელში. უორიკში მომუშავე და-ძმებისთვის პროგრამა ტრანსლაციით გადაიცემა.

მოხალისეებს სატვირთო მანქანიდან გადმოაქვთ ხალიჩები. ინტერიერის დიზაინზე პასუხისმგებელმა განყოფილებამ უორიკის შენობებისთვის 65 000 კვადრატული მეტრის სიგრძის ხალიჩა იყიდა.

2015 წლის სექტემბრიდან 2016 წლის თებერვლამდე საცხოვრებელი სახლები C და D ექსპლუატაციაში შევიდა, რის შედეგადაც მოხალისეებს იქ ცხოვრების უფლება მიეცათ. ყველა შენობაში დამონტაჟდა ლიფტები. სამშენებლო სამუშაოები რეზიდენს დრაივის ქუჩაზე დასრულებულია. რადგან წელს თბილი ზამთარი გვქონდა, გამწვანებაზე მუშაობა დროზე ადრე დასრულდა.

მოხალისე, რომელიც შეკიდული ჭერის დაყენებაზე მუშაობს, დგას ხიმინჯებზე და ამონტაჟებს რკინის კონსტრუქციებს. ერთ-ერთი სამშენებლო განყოფილება ზრუნავს იზოლაციაზე, ჩარჩოებისა და თაბაშირ-მუყაოს კედლების დაყენებაზე; აგრეთვე ცეცხლსაწინააღმდეგო მასალით ღრუების ამოვსებაზე.