Ih, nekni d imasiḥiyen. Atentah kra n ssebbat:

•   Nxeddem lmeǧhud-nneɣ bac a netbeɛ akken ilaq aselmed n Ɛisa Lmasiḥ w’a t-nɛaned di tikli-ines.—1 Buṭrus 2:21.

•   Neţţuqenneɛ belli s Ɛisa kan ara yili leslak. “Ulac di ddunit meṛṛa isem nniḍen s wayes i nezmer a neţţusellek.”—Lecɣal 4:12, Awal n tudert, 2001.

•   Ad yuɣal walbeɛḍ d Inigi n Yahwa m’ara yeţwaɣḍeṣ s yisem n Ɛisa.—Matta 28:18, 19.

•   Neţẓalla s yisem n Ɛisa.—Yuḥenna 15:16.

•   Neţţamen belli Ɛisa d aqerru ɣef mkul argaz.—1 Ikurintiyen 11:3.

 Acu kan, nemxallaf ɣef ddyanat nniḍen iwumi qqaren ddyanat timasiḥiyin. Atentah, di lemtel, kra n leḥwayeǧ is i neţţamen, i d-ikkan seg Wedlis Iqedsen: Ɛisa d Mmi-s n Ṛebbi yerna ur iţekka ara di talut; (Matta 16:16; Marqus 12:29) taṛwiḥt teţmeţţat, yeɛni ulac d acu i d-iţɣaman yedder seg walbeɛḍ ma ifat yemmut; Ṛebbi ur iţɛaqab yiwen di ǧahennama n tmes; (Amusnaw 9:5; Ḥizqiyal 18:4) imḍebbren n ddin ur ilaq ara a sen-ţţunefken yismawen ara ten-issaɛlin ɣef lmumnin nniḍen.—Matta 23:8-10.