TIMEƔRI TIS 14
Beggen-ed akken ilaq tiktiwin yellan d lsas
Iɛebṛaniyen 8:1
ACU ARA TXEDMEḌ: Ɛiwen wid i k-d-yeţḥessisen ad tebɛen akken ilaq lxeṭba-inek. Ssefhem-ed amek i tcudd yal tikti ɣer temsalt iɣef i d-theddṛeḍ d wamek i tcudd daɣen yal tikti ɣer lmeqsud n wayen i tesselmadeḍ.
AMEK ARA TXEDMEḌ:
-
Sɛu lmeqsud. Wali ma yella lmeqsud n lxeṭba-inek d axebbeṛ neɣ d aqenneɛ neɣ d aweṣṣi ɣer wayen yelhan, tqeddmeḍ-ţ-id ɛlaḥsab n lmeqsud-agi. Ilaq aţ-ţetḥeqqeḍ belli tiktiwin meṛṛa yellan d lsas n lxeṭba-inek a k-ɛiwnent akken aţ-ţawḍeḍ ɣer lmeqsud-agi.
-
Beggen-ed akken ilaq asentel n lxeṭba-inek. M’ara d-tqeddmeḍ lxeṭba-inek, smektay-ed asentel-ines. Iwakken aţ-ţessiwḍeḍ ɣer wannect-a, ţɛawad-ed i imeslayen yellan d lsas n usentel-agi neɣ ssexdam imeslayen nniḍen i sen-yeţţemcabin.
-
Ssefhem-ed akken ilaq ixemmimen yellan d lsas, akken ad ţwafehmen s sshala. Ţţextiṛi kan ixemmimen yellan d lsas, i gcudden ɣer usentel n lxeṭba-k, ara tizmireḍ daɣen a d-tessefhmeḍ akken ilaq di lweqt i k-d-yeţţunefken. Ur ţkettiṛ ara seg ixemmimen yellan d lsas; yal m’ara d-tessefhmeḍ yiwen seg-sen, ḥbes ciṭuḥ, yerna ţɛedday s leɛqel seg uxemmim ɣer wayeḍ.
