Ngũsĩ sya Yeova ila syoovetwe nũndũ wa mũĩkĩĩo wasyo tũivika Mwei wa 4, 2024

“Ũthasyo wa kũsũanĩa, wa kũatĩĩa wasya wa ngoo, na wa ũthaithi,” nĩ wa vata mũno andũnĩ, kwosana na kĩlungu kya 18 kya International Covenant on Civil and Political Rights. a Ĩndĩ nthĩ imwe, Ngũsĩ sya Yeova nivenetwe ũthasyo ũsu na ikovwa kana kũthĩnwʼa mũno ite mavĩtyo. Aingĩ ala me yela makwatiwe no ũndũ wa kũatĩĩa mũĩkĩĩo woo. Na angĩ makwatĩtwe nũndũ wa kũlea kũlika ũthũkũminĩ wa ita nũndũ wa wasya woo wa ngoo.