Kwĩthĩawa Ata Yĩla Mũndũ Wakwʼa?
Ũndũ Mbivilia yaasya
Mbivilia yaĩtye: “Ala me thayũ mesĩ makakwʼa; ĩndĩ ala akwʼũ matyĩsĩ ũndũ o na wĩva.” (Mũtavanʼya 9:5; Savuli 146:4) Kwoou, ĩla twakwʼa tũyĩthĩawa vo ĩngĩ. Ala akwʼũ mayĩsa kũsũanĩa, kwĩka, kana kwĩwʼa ũndũ o na wĩva.
‘Ũkasyoka kĩtoonĩ’
Ĩla Ngai waneenie na mũndũ wa mbee Atamu, nĩwaeleisye ũndũ vethĩawa yĩla mũndũ wakwʼa. Nũndũ Atamu ndaatĩĩa mwĩao ũla wanengetwe, Ngai amwĩie atĩĩ: “Wĩ kĩtoo, na nũkasyoka kĩtoonĩ.” (Mwambĩlĩlyo 3:19) Yeova atanamba kũmũmba Atamu “na kĩtoo kya nthĩ,” Atamu ndaĩ vo. (Mwambĩlĩlyo 2:7) O ta ũu, ĩla Atamu wakwie, asyokie kĩtoonĩ na aeka kwĩthĩwa vo.
Ũu nowʼo vekĩkaa kwa ala makusaa ũmũnthĩ. Mbivilia ĩineena ĩũlũ wa nyamũ na andũ, yaĩtye ũũ: “Onthe nĩ ma kĩtoo, na onthe masyokaa ĩngĩ kĩtoonĩ.”—Mũtavanʼya 3:19, 20.
Kĩkwʼũ ti kyo mũminũkĩlyo wa andũ
Mavinda maingĩ Mbivilia ĩelekanasya kĩkwʼũ na too. (Savuli 13:3; Yoana 11:11-14; Meko ma Atũmwa 7:60) Mũndũ ũkomete vyũ ndethĩawa esĩ kĩla kĩendeee. No ta ũu, akwʼũ mayĩthĩawa mesĩ ũndũ o na wĩva. Ĩndĩ, Mbivilia ĩmanyĩĩtye kana Ngai no aamũkye ala akwʼũ, o ũndũ mũndũ ũkomete ũamũkawʼa, na aimanenga thayũ ĩngĩ. (Yovu 14:13-15) Kwa ala Ngai ũkathayũũkya, kĩkwʼũ ti mũminũkĩlyo woo.
No Wendeewʼe Nĩ Ii
MŨSYAĨĨSYA
Mbivilia Ĩmanyĩasya Kyaũ Ĩũlũ wa Thayũ na Kĩkw’ũ?
Ve kĩndũ kĩ nthĩnĩ wa mũndũ kĩtakusaa ĩla twakw’a? We wĩ na thayũ ũtesa kũkw’a? Akw’ũ maĩva?
ESSENTIAL BIBLE TEACHINGS
Kwĩthĩawa Ata Ĩla Mũndũ Wakw’a?
Mbivilia nĩyathanĩte ĩvinda ala makwie makathayũũkw’a o tondũ Lasalo wathayũũkiw’e.
MOSŨNGĨO MA MAKŨLYO MA MBIVILIA
Nĩkĩ Andũ Makusaa?
Ũsũngĩo ũla Mbivilia ĩnenganĩte ĩũlũ wa ĩkũlyo yĩu, nũtũnengae ũkiakisyo na wĩkwatyo.
MŨSYAĨĨSYA
Kwĩthĩawa Ata Mũndũ Akw’a?
Andũ nyanya ala mathayũũkiw’e nĩmaeleetw’e Mbivilianĩ. Maeleisye ata ĩũlũ wa ĩvinda yĩla maĩ akw’ũ?
MOMANYĨSYO MA MBIVILIA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.