NABƐYƐ MAƔZƖƔ SE kasɩŋnɩ ɖoŋ weyi Ɛsɔ wɛnɩ ɛyʋ laŋɩyɛ yɔɔ yɔ, lalaa ñamaɣzɩɣ se kɛkɛnɩ ɖʋtʋ ndʋ tɩ-yɔɔ ɛyaa tɩŋɩɣna se laŋhɛzɩyɛ nɛ nɔɔ kʋɖʋmaɣ ɩwɛɛ ɛjaɖɛ kpeekpe yɔɔ yɔ. Suwe ŋmaɣzɩɣ?

NDƲ BIBL YƆƆDƲƲ YƆ

“Ɛsɔdaa Ɛsɔ kaɣ lɩzʋʋ Kewiyaɣ nakɛyɛ, nɛ nɔɔyʋ ɛɛkaɣ-kɛ ɖɩzʋʋ. . . . Kakaɣ tuzuu nɛ kɛpɛɖɩ kewiyisi nzɩ yɔ sɩ-tɩŋa.” (Danɩyɛɛlɩ 2:44) Ye mbʋ, Ɛsɔ Kewiyaɣ kɛ komina nakʋyʋ na.

TƆM NDƲ ÐƆÐƆ BIBL WƖLƖƔ-ÐƲ?

• Ɛsɔ Kewiyaɣ kaɣ wɛʋ ɛsɔdaa nɛ kala ka-tʋmɩyɛ.​—Maatiyee 10:7; Luka 10:9.

• Ɛsɔ tɩŋɩɣnɩ e-Kewiyaɣ yɔɔ nɛ eyele nɛ ɛ-sɔɔlɩm la ɛsɔdaa nɛ tataa.​—Maatiyee 6:10.

SUWE ŊMAƔZƖƔ?

• Nɔɔyʋ ɛɛsɩŋ

• Kɔñɔtaa

• Kaakaɣ kɔm

NDƲ BIBL YƆƆDƲƲ YƆ

“Kewiyaɣ tɔm kɩbandʋ tʋnɛ yɔ, pakaɣ-tʋ susuu ɛjaɖɛ kpeekpe taa, se ɛyaa kpeekpe ɩnɩɩ. Nɛ ɖɩnɛ ɛlɛ ɛjaɖɛ tɛm kɔŋ kɛlɛ.”(Maatiyee 24:14) Posusuu Ɛsɔtɔm kɩbandʋ kedeŋa kpeekpe yɔɔ nɛ pɩtɛ lɛ, Ɛsɔ Kewiyaɣ kɔŋ nɛ keɖezi ɛjaɖɛ kɩdɛkɛdɩyɛ ɖɩnɛ.

TƆM NDƲ ÐƆÐƆ BIBL WƖLƖƔ-ÐƲ?

• Nɔɔyʋ ɛɛsɩŋ alɩwaatʋ ndʋ tɩ-yɔɔ kɛɛkɛɛ Ɛsɔ Kewiyaɣ kaɣ kɔm yɔ.​—Maatiyee 24:36.

• Natʋ tɔm ndʋ tɩwɛ Bibl taa yɔ, tɩwɩlɩɣ se Ɛsɔ Kewiyaɣ ñɔtɩ kpam.​—Maatiyee 24:3, 7, 12.