1. Yehowa kɛ ɖɩjɔzɩ’ɛ,

Ɛnʋ ɖɩtaɣ liu tam.

Ɛkɛ-ɖʋ ɖɩmɛlɩyɛ,

Ɛ-tɛɛ ɖɩcɔzʋʋ tam.

Ɛnʋ ɛyakɩnɩ ɖa-ñʋʋ,

Paa ɖooye ɛnʋ ɖɩtaɣ liu.

Yehowa kɛnɩ ɖo-ɖoŋ,

Ɛyakɩ siɣsiɣ tɩnaa ñʋʋ.

2. Ɛyaa sakɩ’ɛ kaɣ tɔlʋʋ,

Nɛ ñɔ-cɔlɔ yɔɔ kiŋ.

Ɛlɛ ñɛ ’yʋ siɣsiɣ tʋ,

Nabʋyʋ ɛɛlakɩ’ŋ.

Taaseli kaaʋ nabʋyʋ yɔɔ,

Paa asɛyʋʋ ɛkɔŋ kɔyɔ.

Mɛlɩ Yehowa keŋ tɛɛ

Nɛ Caa Ɛsɔ huuzi ñɔ-yɔɔ.

3. Ɛsɔ kaɣ ɖɔ-yɔɔ huuzuu,

Ɛlɛɣ-ɖʋ kala taa.

Wiɖii pɩɩkaɣ-ɖʋ tuuluu,

Ɛlɛɣ-ɖʋ paa ’zɩmtaa.

Ða-paa fɛ’ɩnɩ tɔɔyʋʋ maɣmaɣ,

Halɩ ɖɩkaɣ fɛyʋʋ ɖʋm yɔɔ.

Yehowa kɛ ɖɩjɔzɩ’ɛ,

Ɛkandɩyɩɣ ɖa-nʋmɔŋ yɔɔ.