Ðɩwɛ pɩnaɣ 2023 ɖɩbazɩyɛ nɛ ɖa-tɩŋa ɖɩtaɣ liu se pɩkaɣ-ɖʋ ɖɔmnʋʋ camɩyɛ ɖa nɛ ɖɔ-hɔŋ taa mba. Lɩmaɣza wena yɔɔ ɖɩpɩzɩɣ nɛ ɖɩwɛɛnɩ lidaʋ cee wayɩ yɔɔ?

 Bibl haɣ-ɖʋ lidaʋ se kala wena ɖɩkatɩɣ sɔnɔ yɔ pɩkazɩ pazɩ lɛ, asɩɣ tɩnaɣ. Toovenim taa lɛ, pama Bibl se «pawɩlɩnɩ-ɖʋ lɔŋ; se pɩtɩŋnɩ. . . laŋɩyɛ hɛzʋʋ mbʋ pɩlɩnɩ Masɩ taa yɔ pɩ-yɔɔ lɛ, ɖɩpɩzɩ nɛ ɖɩwɛɛnɩ lidaʋ.»—Roma mba 15:4.

•   Ye ŋsɔɔlaa se ŋkpɛlɩkɩ tɔm lɛɛtʋ pɩlɩɩnɩ lidaʋ ŋgʋ Bibl haɣ-ɖʋ yɔ kɩ-yɔɔ yɔ, kalɩ tɔm ñʋʋ «Une espérance réelle pour des jours meilleurs.»

 Bibl taa lidaʋ tɔm wɛ ɛzɩ «mɛlɛ kolaɣ ŋga kɔɖɔkʋʋ ɖe-weziŋ yɔ.» (Ebree mba 6:19, pɩ-tɛɛ tɔm) Lidaʋ ŋgʋ kɩsɩɣnɩ-ɖʋ se ɖɩtaakɩlɩɣ nɩɣzʋʋ. Kɩpɩzɩɣ kɩsɩnɩ-ɖʋ nɛ ɖɩlʋbɩnɩ kala wena ɖɩkatɩɣ yɔ, ɖɩwɛɛnɩ lɩmaɣza kɩbana nɛ koboyaɣ siŋŋ. Kɩɖaŋ nɩɩyɩ yɔ:

•   Cɔna nɛ ŋna ɛzɩma lidaʋ ŋgʋ Bibl haɣ yɔ kɩsɩnɩ abalʋ nɔɔyʋ nɛ ɛlɩɩ lakasɩ kɩdɛkɛdɩsɩ nasɩyɩ yomiye taa yɔ. Cɔnɩ video Me-wezuu caɣʋ lɩ-m sɔŋ.

•   Cɔna nɛ ŋna ɛzɩma lidaʋ ŋgʋ Bibl haɣ yɔ kɩpɩzɩɣ kɩsɩnɩ-ɖʋ alɩwaatʋ ndʋ ɖilesiɣ ɖɛ-ɛyʋ kʋsɔɔlʋ nɔɔyʋ yɔ. Cɔnɩ video Du réconfort pour les endeuillés.

 Ɛyaa sakɩyɛ taɣ liu se pɩkaɣ-wɛ ɖenuu cee wayɩ, ɛlɛ paapɩzɩɣ nɛ patɩlɩ se pe-lidaʋ ŋgʋ kɩkaɣ labʋ yaa kɩɩlakɩ. Lidaʋ tɔm ndʋ Bibl yɔɔdʋʋ yɔ tɩwɛ ndɩ. Ɛbɛ yɔɔ? Mbʋ pʋyɔɔ yɔ Ɛsɔ Yehowa  a maɣmaɣ cɔlɔ Bibl taa lidaʋ tɔm lɩnaa. Ɛkɛ «Ɛsɔ weyi ɛɛpɩzɩɣ nɛ ɛcɛtɩ yɔ.» (Tiiti 1:2) Yehowa ɖeke pɩzɩɣna nɛ eyele nɛ tamasɩ nzɩ ɛlaba yɔ sɩ-tɩŋa sɩla; ɛpɩzɩɣ nɛ ɛla «mbʋ payɩ ɛsɔɔlaa yɔ.»—Keɣa 135:5, 6.

 Ðiseɣtiɣ-ŋ se ŋyele nɛ lidaʋ tɔm ndʋ tɩwɛ Bibl taa yɔ tɩwazɩ-ŋ. Tɩkɛ toovenim tɔm siŋŋ. Pɩsa nɛ ña-taa tɛ se pɩtʋʋ fɛyɩ lidaʋ tɔm ndʋ tɩ-yɔɔ lɛ, ‘tazɩɣ Masɩ taa camɩyɛ.’ (Tʋma Labʋ 17:11) Yele nɛ nɔɔyʋ sɩnɩ-ŋ nɛ ŋkpɛlɩkɩ Bibl falaa nɛ ña-maɣmaɣ ŋna ɛzɩma pɩwazɩɣ-ŋ yɔ. Paɣzɩ pɩnaɣ 2023 nɛ lidaʋ!