Balume ne bakadzi ba na mazwimisilo mu ndobolo yabo ba no i tola i li i no galila cha chose, ngono ichecho cho thama kuti bose ba zwiwhe ba ka bakiligwa. Nngwe ne nngwe wabo u no themba kuti nkhwinya uwe u nowo hlonipha ndobolo yabo, nenguba kwa ka sima.

Bathu bangwe ba ka lobolana ba no dwilila ba li bose be cha be misha yabo kene bathu. Ku pinda ichecho, ne kwa ka jalo, i mazwimisilo a ka teyiwa mu ludo ne hlonipho.

NLAYONTEWO WE BAIBILI: “Nlume na iye bo a si lambe nkadzi uwe.”—1 Bakorinta 7:11.

“Ha u na mazwimisilo mu ndobolo iyo, u no amuchila dziphoso dze bangwe. U no zwibatigwa chinyolocho ne ku kumbila mazwibatigwa chinyolocho. U no tola mathatha se zwithu zwi no ku dzibila ku thama cha ka lulwama, ku si ku zwilakidza kuti u no ziba lebeleka.”—Micah.

Ha bathu ba ka lobolana ba sina mazwimisilo, ha be lingisana ne mathatha ba ngana ba kati, ‘Ha ti to fanilana’ be be be shaka zila dza ba nga buda mu ndobolo nadzo.

“Bathu ba njinji ba no ngina mu ndobolo ne nkumbulo we kuti ha kwa sima—ba no thubukana. Ha bathu be ngina mu ndobolo ne nkumbulo we kuti ba ngana ba ka thubukana, mazwimisilo a no be a kona ku cha tangisa koga.”—Jean.

ZWITHATHUBE

Ha ma sheta ku wanana . . .

• Apa u no zwisola ku be wa ka ngina mu ndobolo ne nkhwinya uwo we ndobolo?

• Apa u no kumbula u zwibona u na nngwe u poga?

• Apa u no leba matama a nonga “Ndowo ku siya” kene “Ndowo zwibonegwa u no ndi da”?

Ha ili kuti wa dabila buzo idzedzi ne ee, i chibaka che kuti u simise mazwimisilo awo.

LEBESANA NE NKHWINYA UWO WE NDOBOLO

• Apa mazwimisilo edu e ndobolo a ka tapudzika? Ha kwa ka jalo, ne ku tini?

• Ti nga tola thambo dzipi ku simisa mazwimisilo edu?

GUMBULUDZO

• Kwalila nkhwinya uwo we ndobolo lekwalo gwe ludo mu zwibaka zwingwe

• Lakidza mazwimisilo awo mu nkhwinya uwo we ndobolo ne ku biga fota iye mu tafuli iyo ku nshingo

• Lidzila nkhwinya uwo we ndobolo ha u li ku nshingo kene u sipo mu nzi

NLAYONTEWO WE BAIBILI: “Ndizo Ndzimu tja wa bhatshanya, ku shaye nthu wa tji thubukanya.”—Matewu 19:6.