Kana muntu ke tadila katuka na ndambu ya sudi-westi mpi ke tala na nordi, na ndambu ya Sterling Forest Lake (Bo ke bingaka yo mpi Blue Lake). Kifwanisu ya ntete, bo ke tunga kitini ya nsi ya ntoto ya nzo ya kulala D. Pene-pene ya dizanga, bo ke yidika bisika yina bo ta kotisa beton ya nzo ya kulala C.

Bo ke vukisa bima yina bo salaka dezia ya ke salaka suku ya kuyobidila. Kimvuka ya bima yai kele ti bibende, bima yina bo ke fikaka yo, batiyo ya ke nataka masa mpi bansinga ya kura, mashini ya ke kotisaka mupepe, mpi kima ya bo ke kotaka sambu na kuyobila. Suku ya kuyobidila ta mana ntangu bo ta tula bima yonso yina bo vukisaka.

Kisalu ya kutula batiyo na nsi ya ntoto. Na ntangu bo ke tunga, bo ta sadila nzo yai sambu na kupesa madia na bantu kiteso ya 500, mpi bantu 300 ya nkaka ta diaka na bisika ya nkaka ya nzo yai. Pene-pene ya nsuka ya kisalu yai, bo ta katula basuku ya kudia ya ntangu fioti yina bo salaka, mpi bo ta manisa bisalu na yo sambu bo yantika kusadila yo sambu na kuyidika bakaminio.

Bantu ke tula ntoto ya bo yidikaka sambu na kutula na zulu ya ludi yina kele ti matiti. Ludi ya kele ti matiti; yina matiti ke mena na zulu na yo, ke sadisa sambu kisika yina kuvanda ve na mfunu ya kura mingi, sambu masa ya ludi kukulumuka ve ntinu, mpi kukatula mvindu na masa ya mvula yina ta bwaka.

Yo ta vanda na banzo tatu ya kukangama. Nene na yo ta vanda 42 000 metre carrés. Awa bantu ya bakompani ya nsi-ntoto sadisaka na kutula bibende na makunzi sambu na kukumisa yo ngolo.

Bantu ke sadila bibende ya ke pela tiya sambu na kutula kimpusu ya zulu ya kele na gudro. Bo me lwata mikaba ya lutaninu sambu bo bwa ve.

Bo ke tula batiyo mpi bima ya ke pesaka tiya ti madidi yina bo salaka dezia na ntwala. Kiteso ya Bambangi 35 na kati ya 100 yina ke sala na Warwick kele bankento.

Nzo yai ya bo ke sadila sambu na kubumba mpi kusala bima, bo sumbaka yo na Februari 2014 sambu na kusala kisalu yai. Kibansala na yo ya kati kele 20000 metre carrés. Bima ya mpembe yina kele na zulu na diboko ya kitata ya foto kele basuku ya kuyobidila yina bo me yidika dezia sambu na kunata yo.

Kifwanisu yai kele foto ya nordi-esti ya nzo yai. Bampangi kiteso ya 200 ya ke salaka na babiro na beto ya nene ta zingaka awa. Basuku mingi ta vanda nene bametre carrés 30 to 50, mpi yo ta vanda ti kikuku ya fioti, douche, mpi veranda ya fioti.

Bo ke yidika kisika sambu na kutunga. Na zulu ya foto na diboko ya kimama, mashini yina ke pasulaka matadi ke basisa matadi yina bo ta sadila. Ntangu kisalu ya kutunga ta mana, bo ta katula kiteso ya 260 000 metre cubes ya ntoto na Warwick. Konso kilumbu, bo ke sadila kiteso ya bakaminio 23 yina ke nataka ntoto.

Bo me kuna matiti na zulu ya ludi.

Foto ya zulu ya nzo yina babiro ta vanda, bo me baka yo na sudi-westi na zulu ya mashini mosi ya nda ya ke tombulaka bima. Na nsi na diboko ya kimama kele Parking ya Banzenza yina bo me manisa kusala, mpi konso kilumbu yo ke fulukaka ti bakaminio ya bampangi yina ke kwisaka kusala kisalu. Bambangi ya nkaka ke salaka bangunga 12 na kaminio sambu na kwisa kusala kisalu na luzolo na bo mosi sambu na bilumbu tatu to iya.

Bo ke zola kumanisa kisalu ya nzo mosi ya kudia ya ntangu fioti. Batelevizio sambu na video (bo me tula yo ntete ve) mpi babafle ta sadisa bantu yina ke salaka awa na kulanda lusambu ya suka mpi bamanaka ya nkaka ya kimpeve yina ke salama na biro ya filiale ya États-Unis.

Bo ke tula beton ya dalle ya rez-de-chaussée. Na diboko ya kitata, mpangi mosi ke sadila mashini ya ke nikisaka beton sambu na kuzikisa nde mabulu ya mupepe kele ve na kati ya beton mpi nde beton yina kele kibeni ngolo.

Bansinga ya kura yina kele na kati-kati ya nzo, bo ke zola kukotisa yo na beton ya dalle na nsi ya ntoto.

Kisalu ya kutula beton ya dalle ya rez-de-chaussée ke zola kumana. Yai kisalu ya kuluta nene ya kutula beton na Warwick, bo tulaka 540 metre cubes ya beton. Bo vandaka kuyidika beton na kisika yina bo ke salaka yo, na nima bo vandaka kunata yo na bakaminio nana ya nene mpi bapompi ya beton zole, mpi kisalu yina bakaka bangunga 5 ti ndambu. Na kati-kati ya foto yai, yo kele ti eskalie ya nzo.

Bo ke tula lupangu ya lutaninu na zulu ya ludi. Kuna na nsi, bo ke sala kitini ya nsi ya ntoto ya nzo ya kulala A.

Suku ya kuyobidila ya bo me sala na nganda bo ke kotisa yo na etaze ya zole na nsadisa ya zeki. Sambu na kisalu ya kutunga na Warwick, bampangi sadilaka mingi bima ya bo me salaka kisika ya nkaka sambu bima kuvanda ve mingi-mingi na kisika bo ke sala kisalu mpi sambu kisalu kukwenda nswalu.

Bantu ya kompani ya nsi-ntoto ke tula bibaka ya beton ya ngolo. Beton kele ya kusiangula mbote, yo yina yo ta lomba ve nde bo tula bapano mukubu mpi bo ta yidika yo kaka fioti. Bo lenda tula yo nswalu, yo ta sala nde kisalu ya kutunga kumana na ntangu ya mbote.

Kana muntu ke tala tuka na ndambu ya sudi-westi. Na nsi, bo me yidika bisika sambu na beton ya dalle ya etaze ya ntete ya nzo ya kulala D; na nima na yo, nzo ya kulala C yina ke zola kumana.