Dati: 9-11 Augusti 2019

Bisika: Stade municipal ya Legia na Varsovie, Halle Torwar, Varsovie (Pologne)

Bandinga Yina Bo Sadilaka: Kingelesi mpi Polonais

Ntalu ya Bantu: 32 069

Ntalu ya Bampangi Yina Bakaka Mbotika: 190

Ntalu ya Bampangi Yina Katukaka na Bansi ya Nkaka: 6 892

Bampangi ya Babetele Yina bo Bingisaka: Chili, Corée, Équateur, États-Unis, Europe centrale, Finlande, France, Géorgie, Hongrie, Japon, Moldavie, Roumanie, Ukraine

Mambu Yina Bantu ya Kisika Yina Tubaka: Kamil Kaźmierkiewicz mfumu ya Four Points ya Sheraton Mokotów Varsovie (mosi na kati ya baotele yina yambaka bampangi yina katukaka na bansi ya nkaka) ke tuba nde: “Kuwakana ti beno vandaka diambu mosi ya mbote kibeni, mono ta sepela diaka mingi na kuyamba bantu ya mawete mpi ya mbote yina kele bonso beno. Mono me bakisa zola mpi bumosi yina kele na kati na beno. . . . Mono sepelaka kibeni na mutindu lukutakanu na beno salamaka.”

Kamil Lubański mfumu ya kompani yina vandaka kupesa bampangi babisi ke tuba nde: “Banda na kilumbu ya ntete yina mono wakanaka ti Bambangi ya Yehowa, mono bakisaka nde mono ta sepela kusala ti bo. Bo kele bantu ya ndonga mpi bo ke salaka mambu mbote. Bo yidikaka lukutakanu yai na ntwala mpi bo yilamaka mbote. Kompani na beto ke yambaka bantu mingi yina me zabanaka mingi mpi bantu yina ke kwisaka kusala balukutakanu ya guvernema yina ke salamaka na insi na beto mpi na bansi ya nkaka ya Eropa. Kansi yo ke vandaka mpasi na kuyamba bantu yina kele ya kuyilama mbote mpi ya ke salaka mambu na ndonga. Na bunkufi, bashofere mpi bamfumu na beto ya kisalu tubaka mambu ya mbote na mutindu bo salaka ti Bambangi ya Yehowa. Beto ke ndima nde na bilumbu ke kwisa beto ta sepela diaka kusala kumosi ti Bambangi ya Yehowa.”