“Bantu ya Kudikulumusa Ta Baka Ntoto”
Bantu mingi na kati na beto me monaka mambu ya kukonda lunungu mpi mutindu bantu ya mbi ke niokulaka bantu ya mbote. Keti kilumbu kele mambu ya kukonda lunungu mpi ya mbi ta vanda diaka ve?
Na Nkunga 37, Biblia ke pesa mvutu mpi lutwadisu sambu na beto bubu yai. Tala bamvutu yina yo ke pesa na bangiufula yai ya mfunu.
Inki mutindu beto fwete sadila bantu yina ke niokulaka beto mambu?—Verse 1, 2.
Inki ta kumina bantu ya mbi?—Verse 10.
Luzingu ya bantu ya mbote ta vanda nki mutindu na bilumbu ke kwisa?—Verse 11, 29.
Inki beto fwete sala bubu yai?—Verse 34.
Mambu yina bo sonikaka na nsadisa ya mpeve santu na Nkunga 37 ke pesa kibeni kivuvu ya kiese na bantu yina ke ‘tulaka kivuvu na Yehowa mpi ke landaka nzila na yandi.’ Bambangi ya Yehowa ta vanda na kiese ya kusadisa nge na kulonguka Biblia mpi na kuzaba mambu yina nge mpi bantu yina nge ke zolaka lenda sala sambu na kuvanda ti luzingu ya mbote na bilumbu ke kwisa.
Nge Lenda Sepela Mpi Ti
MAMBU YA ME TALA BETO
Sambu na Nki Beto Fwete Longuka Biblia?—Video ya Nda
Biblia ke pesaka bamilio ya bantu na nsi-ntoto ya mvimba bamvutu na bangiufula ya mfunu ya luzingu. Keti nge ta zola kuvanda na kati ya bantu yina?
NZOZULU YA NKENGI
Nzambi Ta Sala Nki Sambu na Mambu ya Mbi
Keti dibanza ya kuzinga na ntoto, kisika yina mambu ya mbi ta bwila diaka ve bantu ya mbote ke sepedisa nge?
