Biblia kele mukanda yina bo kabulaka mingi na disolo ya luzingu ya bantu mpi bantu mingi ke bakaka yo na valere ya mingi. Kansi, nge lenda kudiyula nde: ‘Mukanda yai ya me zabanaka mingi ke tubilaka inki?’

Kamukanda Inki Kele Nsangu ya Biblia? ke tubila na mutindu ya mbote mpi na bunkufi nsangu ya kele na Biblia. Kamukanda yango ta sadisa nge na kuzaba mbote-mbote ntu-diambu ya Biblia. Yo ke tubila na bunkufi mambu ya kele na Biblia na mukanda ya Kuyantika banda na disolo ya ke tubilaka mutindu Nzambi salaka bima tii na kivuvu ya ke pesaka beto kiese na yina me tala mutindu beto ta vanda na bilumbu ya kwisa. Mukanda ya Kusonga ke tubilaka kivuvu yango. Na kati ya mukanda yango, nge ta mona mpi tablo mosi ya mfunu sambu na kusadisa nge na kuzaba ntangu mambu ya mfunu salamaka. Yo kele mpi ti bifwanisu ya kitoko mpi bangiufula yina ta pusa nge na kuyindula mingi sambu na kutubila mambu yango.

Tanga kamukanda Inki Kele Nsangu ya Biblia? na Internet.