POPÉ TAG NE TO VẼMÉN TI
Ne to vãsãn hã ki tĩnh?
à tỹ Diana * fi ki kanhrãn nĩn kỹ vã vã, ã tỹ fi to vãmén ke mũ vẽ, fi tỹ krĩ há nĩ, kar vĩ sér kamã. Jérĩn mỹ Diana fi ve tỹ vẽnh kar mỹ ven tĩ, fi tỹ mỹ sér nĩ, kurã kar ki fi tỹ vẽnh jykre kórég nĩ. Fi tóg: “kurã kar ki isỹ ter sór tĩ, inh jykre ki, isỹ ter kỹ, vẽnh kar vỹ há kãfór nỹtĩnh ke mũ.”
“Ũn tỹ ũn vẽsén ja ag to kanhrãn tĩ ag tỹ kãmén, ũn tỹ vẽsén kỹ, ũnꞌ ũ ag tỹ 200 ke ag tỹ vẽnh kãgtén krenkren kỹ nỹtĩ hor, kar ũnꞌ ũ ag tỹ 400 ke ag tỹ vẽsén to jykrén kỹ nỹtĩ gé.” — THE GAZETTE, MONTREAL, CANADÁ
Diana fi tóg vãmén mũ, fi pi hã re kã vẽsén ke mũ vẽ. Ge ra kejẽn fi pi rĩr sór hã ki tĩ. “Isỹ inh mỹ nén ũ kórég tỹ hẽn ri kenh sór mũ vẽ, isỹ ter jé, isỹ ter kỹ, inh mỹ tag pi tỹ nén ũ kórég nĩ, nén ũ há vẽ”, ke fi tóg.
Ũn e tỹ Diana fi jykre ri ke nỹtĩ, ag kãmĩ ũn e tỹ vẽnh kãgtén krenkren kỹ nỹtĩ. Ũn tỹ vẽsén ja ag to kanhrãn tĩ ag tỹ kãmén, ũn tỹ vẽsén sór kỹ, ti pi ti rĩr tỹ tũꞌ ke sór, hã ra ti tỹ ti vẽsỹrénh tỹ tũꞌ ke sór vã. Nén ũ jagy ag tugnĩn ag tỹ kãgter sór nỹtĩ, hã ra ag tỹ nén ũ há tỹ hẽn ri kenh fã ag to jykrén ke nỹtĩ, ag tỹ rĩnrĩr sór nỹtĩ jé.
Ne to vãsãn hã ki tĩnh? Vẽnh kanhrãn nĩ, nén ũ há tỹ ũn tẽgtũ to, ã tỹ rĩr sór hã ki tĩ jé.
^ parágrafo 3 Fi jyjy pẽ tỹ ũ nĩ.
