Ĩĩ. Tũrĩ Akristiano nĩ ũndũ wa itũmi ici:

•   Nĩ twĩrutanagĩria mũno kũrũmĩrĩra ũrutani na mĩtugo ya Jesu Kristo.—1 Petero 2:21.

•   Twĩtĩkĩtie Jesu nĩwe njĩra ya kũhonokera, atĩ “gũtirĩ rĩĩtwa rĩngĩ rĩanaheanwo gũkũ thĩ kũrĩ andũ rĩngĩagĩrĩra rĩa gũtũhonokia.”—Atũmwo 4:12.

•   Andũ maatuĩka Aira a Jehova mabatithagio thĩinĩ wa rĩĩtwa rĩa Jesu.—Mathayo 28:18, 19.

•   Tũhoyaga thĩinĩ wa rĩĩtwa rĩa Jesu.—Johana 15:16.

•   Twĩtĩkĩtie atĩ Jesu nĩwe Mũtwe, kana ũrĩa wamũrĩtwo gũkorũo arĩ mwathani wa mũndũrũme o wothe.—1 Akorintho 11:3.

 O na kũrĩ ũguo, na njĩra cigana ũna itiganĩte, ithuĩ tũkoragwo tũrĩ ngũrani na ndini iria ingĩ ciĩtagwo cia Gĩkristiano. Kwa ngerekano, twĩtĩkĩtie Bibilia ĩrutanaga atĩ Jesu nĩ mũrũ wa Ngai, ti gĩcunjĩ kĩa Ũtatũ. (Mariko 12:29) Tũtiĩtĩkĩtie atĩ muoyo ndũkuaga, atĩ nĩ kũrĩ mũthingi wa Maandĩko wa kuuga Ngai nĩ agaacina andũ icua-inĩ rĩa tene na tene, kana atĩ arĩa matongoragia maũndũ ma kĩĩndini nĩ magĩrĩire gwĩtwo marĩĩtwa maramatũgĩria gũkĩra andũ arĩa angĩ. —Kohelethu 9:5; Ezekieli 18:4; Mathayo 23:8-10.