Aira a Jehova nĩ makoragwo na mũbango wa gũteithia andũ kũmenya ũrĩa Bibilia ĩrutanaga. Mũbango ũcio wa kwĩruta Bibilia no ũgũteithie:

•   Gũkorũo na ũtũũro wĩ na gĩkeno

•   Kũgĩa ũrata na Ngai

•   Kũmenya maũndũ marĩa Bibilia ĩranĩire megiĩ ihinda rĩũkĩte

Maũndũ marĩa marĩ gĩcunjĩ-inĩ gĩkĩ

•  Wĩruti wa Bibilia wĩkagwo atĩa?

•  Nĩ ngũbatara kũrĩha nĩguo ndĩrute Bibilia?

•  Nguoya ihinda rĩigana atĩa kwĩruta?

•  Ingĩambĩrĩria atĩa?

•  No nyambe ngerie nyone ũrĩa mũbango ũcio ũhaana?

•  Ndetĩkĩra kwĩruta Bibilia-rĩ, nĩ ngũtindĩkĩrĩrio nduĩke Mũira wa Jehova?

•  No hũthĩre Bibilia yakwa?

•  No nyite andũ angĩ ũgeni rĩrĩa ndĩreruta?

•  Ĩ angĩkorũo ndaneruta Bibilia na Aira a Jehova? No ndĩrute rĩngĩ?

•  Nĩ mũkoragwo na mũbango wa mũndũ kwĩruta Bibilia atarĩ na mũndũ ũramũthomithia?

 Nĩ harĩ mũndũ ũgũgũteithia gũtaũkĩrũo nĩ Bibilia mũkĩhũthĩra mathomo matiganĩte. Kũgerera ibuku rĩtagwo Kenera Ũtũũro Tene na Tene! nĩ ũgũthiĩ ũkĩmenyaga maũndũ marĩa Bibilia ĩrutanaga, o hamwe na ũrĩa ĩngĩgũteithia. Nĩguo ũmenye ũhoro makĩria, wĩrorere video ĩno.

 Aca. Aira a Jehova marũmagĩrĩra ũndũ ũyũ Jesu eerire arutwo ake: “Mũheetwo tũhũ, heanagai tũhũ.” (Mathayo 10:8) Makĩria ma ũguo, ndũkũrĩhio Bibilia na ibuku rĩtagwo Kenera Ũtũũro Tene na Tene! iria ũrĩhũthagĩra kwĩruta.

 Mathomo mothe marĩa ũgũthoma nĩ 60. Wee nĩwe ũgũtua ihinda rĩrĩa ũkũhũthĩra kũrĩkia mathomo macio, no arutwo aingĩ mathuuraga gũthoma ithomo rĩmwe kana makĩria harĩ kiumia.

1.  1. Ihũria fomu intaneti-inĩ. Tũkũhũthĩra ũhoro ũrĩa ũkũheana fomu-inĩ ĩyo o kũhingia ihoya rĩaku rĩa kũgĩa na Mũira wa Jehova wa kwaranĩria nawe.

2.  2. Mũira wa Jehova nĩ ekwaranĩria nawe. Nĩ egũgũtaarĩria maũndũ marĩa ũngĩĩrĩgĩrĩra ũkĩĩruta Bibilia na agũcokerie ciũria iria ũngĩkorũo nacio.

3.  3. Nĩ mũkũbangana ũrĩa mũrĩĩrutaga. Ũrĩa mũkwĩruta nake no agũceerere kana mwĩrute kũgerera thimũ, video, marũa, kana email. Ihinda rĩa kwĩruta rĩoyaga ta ithaa rĩmwe, no kũringana na maũndũ maku no rĩkuhĩhe kana rĩraihe.

 Ĩĩ. Nĩguo wĩke ũguo, ihũria fomu intaneti-inĩ. Ũrĩa mũkwĩruta nake aranĩria nawe, mwĩre atĩ ũrenda kwamba kũgeria wone ũrĩa mũbango ũcio ũhaana. Nĩ ekũhũthĩra kabuku getagwo Kenera Ũtũũro Tene na Tene! karĩa karĩ na mathomo matatũ, nĩguo wone kana nĩ ũgũkenera kwĩruta.

 Aca. Aira a Jehova nĩ mendete kũruta andũ Bibilia, no tũtitindĩkagĩrĩria mũndũ atuĩke wa ndini itũ. Handũ ha ũguo, tũrutaga andũ maũndũ marĩa Bibilia yugĩte, no nĩ tũĩ atĩ o mũndũ arĩ na wĩyathi wa gwĩthuurĩra maũndũ marĩa egwĩtĩkia.—1 Petero 3:15.

 Ĩĩ, no ũhũthĩre Bibilia o yothe ĩrĩa ũngĩenda. O na gũtuĩka nĩ twendete kũhũthĩra Bibilia ya New World Translation tondũ nĩ hũthũ na ĩkoragwo na ũhoro mũrũngĩrĩru, nĩ tũĩ atĩ andũ aingĩ mendete kũhũthĩra Bibilia ĩrĩa mamenyerete.

 Ĩĩ. No ũnyite ũgeni andũ anyu othe a famĩlĩ kana arata aku.

 Ĩĩ. O na no ũkenere mũbango wa ihinda rĩrĩ wa kwĩruta gũkĩra hau kabere, tondũ nĩ wagagĩrĩtio nĩguo ũtwarane na mabataro ma andũ mahinda-inĩ maya tũrĩ. Kwĩ na video nyingĩ na mĩeke mĩingĩ ya kwaranĩria gũkĩra hau kabere.

 Ĩĩ. O na gũtuĩka andũ aingĩ nĩ merutaga wega makĩria magĩteithĩrĩrio nĩ mũndũ ũngĩ, amwe mendaga kwamba kwĩruta marĩ oiki. Gĩcunjĩ kĩa Indo Cia Gũgũteithia Kwĩruta Bibilia nĩ kĩonanĩtie indo ũngĩhũthĩra hatarĩ marĩhi nĩguo wĩrute Bibilia. Indo icio nĩ:

•   Online Bible Study Lessons. Mathomo maya marĩ na macokio ma ciũria imwe cia bata andũ meyũragia ũtũũro-inĩ ta: Ngai nũũ? Nĩ kĩĩ gĩtũmaga gũkorũo na mathĩna na waganu? Hihi Ngai nĩ arĩniina mathĩna?

•   Video cia Bibilia. Video ici nguhĩ itaaragĩria morutani ma bata ma Bibilia.

•   Macokio ma Ciũria cia Bibilia. Icunjĩ ici ikoragwo na macokio ma ciũria nyingĩ cia Bibilia.

•   Bible Verses Explained. Wathoma nĩ ũkuona ũrĩa mĩhari ya Bibilia ĩrĩa yũĩkaine mũno ĩtaarĩirio, o hamwe na ciugo cia Bibilia iria ciũĩkaine mũno.