اقيقات، قايداسىڭ؟
اقيقاتقا جەتۋ-جەتپەۋ — ٶمىر مەن ٶلىم ماسەلەسى. مىسالى، «جۇقپالى اۋرۋلار قالاي تارالادى؟» دەگەن سۇراقتىڭ اقيقاتىنا جەتكەننىڭ ارقاسىندا قانشا جاننىڭ امان قالعانىن ويلاپ كورەيىكشى.
مىڭداعان جىلدار بويى بۇل سۇراقتىڭ جاۋابىن ەشكىم بىلگەن جوق. ىندەتتەر بولسا ميلليونداعان ٶمىردى اياۋسىز جالماپ جاتتى. ۋاقىت وتە عالىمدار مۇنىڭ سىرىن اشتى: اۋرۋدى كوپ جاعدايدا ميكرواعزالارعا جاتاتىن باكتەريا مەن ۆيرۋستار قوزدىرادى ەكەن. جۇمباق بولىپ كەلگەن اقيقاتتىڭ بەتى اشىلعاندا، كوپ اۋرۋدىڭ الدىن الۋ مەن ەمىن تابۋ مۇمكىن بولدى. بۇل ميللياردتاعان ادامنىڭ ٶمىرىن ۇزارتىپ، دەنساۋلىعىن جاقسارتقان.
ومىردە باسقا دا ماڭىزدى سۇراقتار بار. ماسەلەن، مىنا سۇراقتاردىڭ اقيقاتىنا جەتكەنىڭىز ومىرىڭىزگە قالاي اسەر ەتەدى؟
-
قۇداي جايلى نەنى بىلگەن ٴجون؟
-
يسا ٴماسىح دەگەن كىم؟
-
قۇداي پاتشالىعى دەگەن نە؟
-
بولاشاقتان نە كۇتەمىز؟
ميلليونداعان ادام وسى سۇراقتاردىڭ جاۋابىن تاۋىپ، ماعىنالى ٶمىر كەشىپ ٴجۇر. بۇل جاۋاپتاردىڭ سىزگە دە بەرەر پايداسى كول-كوسىر.
شىندىق بار ما؟
«ومىردە قانداي دا ٴبىر شىندىقتى تابۋ مۇمكىن بە، ٶزى؟»— دەپ ويلايتىن شىعارسىز. ٴيا، بۇگىندە الدەنەنىڭ اقيقاتىنا جەتۋ بارعان سايىن قيىنداپ بارا جاتقانداي. مۇنىڭ سەبەبى نەدە؟
كوپ ادام ۇكىمەتكە، كاسىپكەرلەرگە، جۋرناليستەرگە سەنۋدەن قالعان. ەستىگەندەرى راس پا، الدە جاي بىرەۋدىڭ ويى ما، وتىرىك-شىنى ارالاس پا، الدە قىپ-قىزىل وتىرىك پە — سونى ايىرا الماي ٴدال بولۋدا. سەنبەستىك پەن جالعان اقپارات جايلاپ العان زاماندا ادامدار بەلگىلى ٴبىر فاكتىنى قالاي ٴتۇسىندىرۋ كەرەكتىگىنە قاتىستى عانا ەمەس، ٴتىپتى نەنىڭ شىندىق ەكەنىنە قاتىستى ٴبىر مامىلەگە كەلە الماي جاتادى.
وسىعان قاراماستان ومىرلىك ٴمانى بار سۇراقتاردىڭ شىن جاۋابىن تابۋ ابدەن مۇمكىن. قالاي؟ بۇل ٷشىن كۇندەلىكتى ومىردە تاپ بولاتىن سۇراقتاردىڭ جاۋابىن قالاي ىزدەيتىنىڭىزدى ەسكە تۇسىرەيىك.
شىندىققا جەتۋ جولى
نەگىزىندە، ٴبىز كۇن سايىن قانداي دا ٴبىر شىندىقتى ىزدەيمىز. دجەسسيكانىڭ وقيعاسى — سوعان ٴبىر دالەل. «مەنىڭ قىزىمنىڭ جەرجاڭعاققا قاتتى اللەرگياسى بار. ول ٴتىپتى جەرجاڭعاقتىڭ تيتتەي تۇيىرلەرىنەن ٶلىپ كەتۋى مۇمكىن»،— دەيدى ول. سوندىقتان قىزىنا تاماق ساتىپ العاندا، ول وتە اباي بولۋ كەرەك. ول بىلاي دەيدى: «الدىمەن، مەن تاماقتىڭ قۇرامىن مۇقيات وقيمىن. سوسىن ىزدەنىس جاسايمىن. سول تاعامعا جەرجاڭعاق تۇيىرلەرىنىڭ ارالاسىپ كەتپەگەنىن ٴبىلۋ ٷشىن ٴتىپتى تاۋار وندىرۋشىلەرگە حابارلاسامىن. سونداي-اق سول كاسىپورىننىڭ ونىمدەرى شىنىمەن قاۋىپسىز ەكەنىنە كوز جەتكىزۋ ٷشىن باسقا تور بەكەتتەرگە يا سەنىمدى مالىمەتتەرگە جۇگىنەمىن».
ٴسىزدىڭ كۇندەلىكتى ومىردەگى سۇراقتارىڭىز وسى ايەلدىكىندەي ماڭىزدى ەمەس شىعار. الايدا كوكەيىڭىزدەگى سۇراقتارىڭىزعا جاۋاپ تابۋ ٷشىن ول سياقتى ىزدەنىپ كورسەڭىز بولادى:
-
فاكتىلەرمەن تانىسۋ
-
قوسىمشا ىزدەنۋ
-
سەنىمدى مالىمەت كوزدەرىنە جۇگىنۋ
وسىنداي قادامدار سىزگە دە ومىرلىك ٴمانى بار سۇراقتارعا شىنايى جاۋاپتار تابۋعا كومەك بەرە الادى. قالاي؟
اقيقاتقا باستار كىتاپ
دجەسسيكا قىزىنىڭ اللەرگياسىن قالاي زەرتتەسە، ومىرلىك ماڭىزى بار سۇراقتاردى دا ٴدال سولاي زەرتتەدى. ول بىلاي دەيدى: «كيەلى جازبالاردى مۇقيات وقىپ، تىڭعىلىقتى زەرتتەگەنىمنىڭ ارقاسىندا مەن اقيقاتتى تاپتىم». ٴدال وسىلاي ميلليونداعان ادام كيەلى جازبالاردان مىنا سۇراقتاردىڭ جاۋابىن تاپتى:
-
ومىرگە نە ٷشىن كەلدىك؟
-
ولىمنەن كەيىن ٶمىر بار ما؟
-
نەگە ٴبىز قيىندىق كورەمىز؟
-
قۇداي بار قايعى-قاسىرەتتى جويۋ ٷشىن نە ىستەپ جاتىر؟
-
وتباسىمىزدى قالاي باقىتتى ەتە الامىز؟
وسى جانە باسقا دا سۇراقتاردىڭ شىنايى جاۋابىن كيەلى جازبالاردى وقىعاندا جانە www.ps8318.com تور بەكەتىنەن ىزدەنىس جۇرگىزگەندە تابا الاسىز.
