جۇبايلار ٷشىن
3. سيلاستىق
نەنى بىلدىرەدى؟
ارالارىندا سيلاستىق بولسا، ەرلى-زايىپتىلاردىڭ ماحابباتى ٴتىپتى ٴبىر-بىرىمەن كەلىسپەي قالعان كەزدە دە سۋىمايدى. «نەكەنى جاڭعىرتۋدىڭ ون جولى» (Ten Lessons to Transform Your Marriage) دەگەن كىتاپتا: «سيلاساتىن جۇبايلار ٶز دەگەنىندە تۇرىپ المايدى. قايتا، تۋىنداعان كيكىلجىڭدى ورتاعا سالىپ، باسىن اشىپ الادى. ولار ٴبىر-ٴبىرىنىڭ پىكىرىن ىزەتپەن تىڭداپ، ەكەۋىنىڭ دە كوڭىلىنەن شىعاتىن بايلامعا كەلۋگە تىرىسادى»،— دەپ جازىلعان.
كيەلى كىتاپ كەڭەسى: «سۇيىسپەنشىلىك... ٶزىمشىل ەمەس» (قورىنتتىقتارعا 1-حات 13:4، 5).
«مەن ٷشىن ايەلىمدى قۇرمەتتەۋ دەگەن — ونىڭ قادىرىنە جەتىپ، باعالاۋ، كوڭىلىنە تيەتىن يا نەكەمىزدىڭ شىرقىن بۇزاتىن ەشتەڭە ىستەمەۋ» (مايكل).
نەگە ماڭىزدى؟
قۇرمەت جوق جەردە جۇبايلاردىڭ اڭگىمەسىنە سىناپ-مىنەۋ، كەكەتىپ-مۇقاتۋ، ٴتىپتى جاقتىرماۋشىلىقتىڭ ەنىپ كەتۋى ابدەن مۇمكىن. ال بۇلار، زەرتتەۋشىلەردىڭ ايتۋىنشا، اجىراسۋدىڭ العاشقى حابارشىلارى.
«ايەلىڭدى كەكەتۋ، ٴتيىسىپ سويلەۋ نەمەسە ول جايلى قالجىڭ سوزدەر ايتۋ ونىڭ ٶز-وزىنە جانە كۇيەۋىنە دەگەن سەنىمىن سولدىرتىپ، نەكەنىڭ ىرگەسىن شايقالتادى» (تيمۋر).
نە ىستەي الاسىز؟
ٶزىڭىزدى تەكسەرىپ كورىڭىز
ٴبىر اپتا بويى جارىڭىزعا نە ايتىپ، نە قوياتىنىڭىزعا ٴمان بەرىڭىز. سودان كەيىن مىنا سۇراقتارعا جاۋاپ بەرىپ كورىڭىز:
-
مەن جۇبايىمدى قانشا رەت سىناپ-مىنەدىم، ال قانشا رەت ماقتاۋ سوزدەر ايتتىم؟
-
جۇبايىمدى قۇرمەتتەيتىنىمدى كورسەتۋ ٷشىن ناقتى نە ىستەدىم؟
بىرگە تالقىلاڭىزدار
-
جۇبايىڭىزدىڭ قاي سوزدەرى مەن ىستەرىنەن ٴسىزدى سيلايتىنىن سەزەسىز؟
-
ال قانداي سوزدەرى مەن ىستەرىنەن ٴسىزدى قۇرمەتتەمەي جاتقانداي سەزىنەسىز؟
كادەگە جارار
-
«قانداي ٷش ماسەلەدە وزىمە قۇرمەت كورسەتىلگەنىن قالايمىن؟»— دەپ ويلانىپ، قاعازعا جازىپ قويىڭىز. جۇبايىڭىز دا سولاي ەتسىن. سوسىن قاعازدارىڭىزدى الماستىرىپ، سول ماسەلەلەردە ٴبىر-بىرىڭىزگە قۇرمەت كورسەتۋگە تىرىسىڭىزدار.
-
جارىڭىزدىڭ بويىنداعى ٴسىزدى ٴتانتى ەتكەن قاسيەتتەردى ٴتىزىپ جازىڭىز. سوسىن وسى قاسيەتتەرىن قانشالىقتى باعالايتىنىڭىزدى ايتىڭىز.
«مەن ٷشىن كۇيەۋىمدى قۇرمەتتەۋ دەگەن — ٸس-ارەكەتىممەن ونى جوعارى باعالايتىنىمدى جانە ونى باقىتتى ەتكىم كەلەتىنىمدى كورسەتۋ. بۇل ٷشىن مىندەتتى تۇردە تاۋدى قوپارۋدىڭ قاجەتى جوق، شىنايى قۇرمەتتەيتىنىڭدى كىشىگىرىم ىستەرمەن دە بىلدىرۋگە بولادى» (ماليكا).
قورىتا ايتار بولساق، ماسەلە — ٴسىز ٶزىڭىزدى قانشالىقتى سيلى سەزىنەتىنىڭىزدە ەمەس، جۇبايىڭىز ٴسىزدىڭ تاراپىڭىزدان قانشالىقتى سي-قۇرمەت سەزىنەتىنىندە.
كيەلى كىتاپ كەڭەسى: «جاناشىرلىق، مەيىرىمدىلىك، كىشىپەيىلدىلىك، جۇمساقتىق، شىدامدىلىق سياقتى قاسيەتتەرگە بولەنىڭدەر» (قولوستىقتارعا 3:12).