جوحان 17:1—26
17 وسىلاردى ايتقان سوڭ، يسا كوككە قاراپ بىلاي دەدى: «اكە، ۋاقىت كەلدى. ۇلىڭ سەنى داڭقتاۋ ٷشىن، ٶزىڭ دە ۇلىڭدى داڭقتاي كور+.
2 سەبەبى ول وزىنە تاپسىرعاندارىڭنىڭ بارىنە+ ماڭگىلىك ٶمىر بەرسىن دەپ+، سەن وعان كۇللى ادامزاتتىڭ ۇستىنەن بيلىك بەردىڭ+.
3 ماڭگىلىك ومىرگە يە بولۋ ٷشىن+ سەنى، جالعىز شىنايى قۇدايدى، جانە ٶزىڭ جىبەرگەن يسا ٴماسىحتى تانىپ-ٴبىلۋ كەرەك*+.
4 ماعان تاپسىرعان ٸسىڭدى اياقتاپ+، جەر بەتىندە سەنى داڭقتادىم+.
5 ەندى، اكە، دۇنيە جاراتىلماي تۇرىپ قاسىڭدا بولعانىمدا بولەنگەن داڭققا مەنى قايتادان بولەي كور+.
6 وسى دۇنيەدەن تاڭداپ، ماعان بەرگەن ادامدارىڭا ەسىمىڭدى اشتىم+. ولار سەنىكى ەدى، ماعان بەردىڭ. ولار ٴسوزىڭدى ورىنداپ ٴجۇر.
7 ەندى ولار ماعان بەرگەنىڭنىڭ ٴبارى سەنىكى ەكەنىن بىلەدى.
8 ويتكەنى ماعان ايتقاندارىڭدى سولارعا ايتتىم+، ولار ونى قابىل الدى. وكىلىڭ رەتىندە كەلگەنىمدى شىنىمەن ٴتۇسىنىپ+، مەنى ٶزىڭ جىبەرگەنىڭە سەندى+.
9 مەن سولار ٷشىن سۇراپ تۇرمىن. وسى دۇنيە ٷشىن ەمەس، ٶزىڭ ماعان بەرگەن ادامدار ٷشىن ٶتىنىپ تۇرمىن، سەبەبى ولار سەنىكى.
10 مەنىكىنىڭ ٴبارى — سەنىكى، ال سەنىكىنىڭ ٴبارى — مەنىكى+. مەن ولاردىڭ اراسىندا داڭققا بولەندىم.
11 مەن وسى دۇنيەدەن كەتىپ، ساعان بارا جاتىرمىن، ٴبىراق ولار وسى دۇنيەدە قالادى+. كيەلى اكە، ماعان بەرگەن ٶز ەسىمىڭ ٷشىن ولاردى قورعاي كور+. وسىلاي ەكەۋمىزدىڭ بىرلىكتە* ەكەنىمىزدەي، ولار دا بىرلىكتە* بولسىن+.
12 قاستارىندا بولعانىمدا، ماعان بەرگەن ٶز ەسىمىڭ ٷشىن ولاردى قورعاپ ٴجۇردىم+. مەن ولاردى امان ساقتاپ، كيەلى جازبادا ايتىلعاندار ورىندالۋ ٷشىن+، جويىلۋى ٴتيىس ادامنان باسقا+ ەشقايسىسىن جوعالتقان جوقپىن+.
13 ال ەندى ساعان بارا جاتىرمىن. ولار مەنىڭ قۋانىشىمدى تولىقتاي سەزىنۋ ٷشىن، بۇلاردى ٵلى دە وسى دۇنيەدە بولعانىمدا ايتىپ تۇرمىن+.
14 مەن ولارعا سەنىڭ ٴسوزىڭدى جەتكىزدىم. وسى دۇنيە ولاردى جەك كورەدى، ويتكەنى مەنىڭ وسى دۇنيەلىك ەمەستىگىم سياقتى، ولار دا وسى دۇنيەلىك ەمەس+.
15 ولاردى وسى دۇنيەدەن الىپ كەت دەپ ەمەس، زۇلىمنان* قورعاي كور دەپ سۇرايمىن+.
16 مەنىڭ وسى دۇنيەلىك ەمەستىگىم سياقتى+، ولار دا وسى دۇنيەلىك ەمەس+.
17 ولاردى شىندىعىڭ ارقىلى قاسيەتتى ەتە كور+. سەنىڭ ٴسوزىڭ — شىندىق+.
18 مەنى وسى دۇنيەگە جىبەرگەنىڭدەي، مەن دە ولاردى وسى دۇنيەگە جىبەردىم+.
19 ولار دا شىندىعىڭ ارقىلى قاسيەتتى بولسىن دەپ، سولار ٷشىن قاسيەتتى بولىپ ٴجۇرمىن.
20 ولار ٷشىن عانا ەمەس، سولاردىڭ ٴسوزى ارقىلى ماعان سەنەتىندەر ٷشىن دە وتىنەمىن:
21 بارلىعى بىرلىكتە بولسىن+. اكە، سەنىڭ مەنىمەن، مەنىڭ سەنىمەن بىرلىكتە بولعانىمداي+، بۇلار دا بىزبەن بىرلىكتە بولسىن. وسىلاي وسى دۇنيە مەنى ٶزىڭ جىبەرگەنىڭە سەنسىن.
22 ٴبىز سياقتى بىرلىكتە* بولسىن دەپ+، مەن ولاردى ٶزىڭ مەنى بولەگەن داڭققا بولەدىم.
23 مەن ولارمەن، ال سەن مەنىمەن بىرلىكتەسىڭ. وسىلايشا مەنى ٶزىڭ جىبەرگەنىڭدى جانە مەنى قالاي سۇيسەڭ، ولاردى دا سولاي سۇيەتىنىڭدى وسى دۇنيە ٴبىلۋ ٷشىن، ولار تولىقتاي بىرلىكتە بولسىن.
24 اكە، ماعان بەرگەن ادامدارىڭ مەن بولاتىن جەردە بولىپ+، ماعان بەرگەن ۇلىلىعىڭدى كورسە ەكەن دەيمىن. ويتكەنى سەن مەنى دۇنيەنىڭ نەگىزى قالانباي* تۇرىپ ٴسۇيدىڭ+.
25 ادىلەتتى اكە، وسى دۇنيە سەنى بىلمەيدى+، ال مەن بىلەمىن+. بۇلار دا مەنى ٶزىڭ جىبەرگەنىڭدى بىلەدى.
26 سەن مەنى قالاي سۇيسەڭ، بۇلار دا وزگەلەردى سولاي ٴسۇيۋ ٷشىن ٵرى ولارمەن بىرلىكتە بولۋىم ٷشىن+، ولارعا ەسىمىڭدى اشتىم جانە اشا بەرەمىن+».
سىلتەمەلەر
^ نەمەسە «ٴبىلىم الا بەرۋ كەرەك».
^ سوزبە-ٴسوز «ٴبىر».
^ سوزبە-ٴسوز «ٴبىر».
^ ياعني شايتاننان.
^ سوزبە-ٴسوز «ٴبىر».
^ بۇل ادام اتا مەن حاۋا انانىڭ بالالارى تۋىلعان كەزگە نۇسقايدى.