يشايا 45:1—25
45 ەحوبا ٶزىنىڭ مايلانعانى كيرگە+ مىنانى ايتادى،ونىڭ الدىندا ۇلتتاردى باعىندىرىپ+،پاتشالاردى قارۋسىزداندىرۋ ٷشىن،الدىندا قالا قاقپالارى جابىلماي،قوس قاقپالار اشىلۋ ٷشىن،ٶزى وڭ قولىنان ۇستاپ تۇرعان كيرگە+ بىلاي دەيدى:
2 «مەن الدىڭدا ٴجۇرىپ+، توبەلەردى تەگىستەيمىن.
مىس ەسىكتەردى تاس-تالقان ەتەمىن،تەمىر ىسىرمالاردى سىندىرامىن+.
3 ساعان قاراڭعى جەرلەردەگى قازىنالاردى،جاسىرىن جەرلەردەگى بايلىقتاردى بەرەمىن+.
سوندا مەنىڭ ەحوبا ەكەنىمدى،اتىڭدى اتاپ شاقىرعان يسرايلدىڭ قۇدايى ەكەنىمدى بىلەتىن بولاسىڭ+.
4 قىزمەتشىم جاقىپ ٷشىن، تاڭداپ العان قىزمەتشىم يسرايل ٷشىن،سەنى اتىڭدى اتاپ شاقىرامىن.
مەنى ٵلى بىلمەسەڭ دە، ساعان سيلى ەسىم بەرەمىن.
5 مەن ەحوبامىن، مەنەن باسقا ەشكىم جوق.
مەنەن وزگە قۇداي جوق+!
مەنى ٵلى بىلمەسەڭ دە، ساعان كۇش دارىتامىن.
6 شىعىس پەن باتىس ارالىعىنداعى ادامدارمەنەن وزگە قۇدايدىڭ جوق ەكەنىن ٴبىلسىن+.
مەن ەحوبامىن، مەنەن باسقا ەشكىم جوق+.
7 جارىقتى دا، تۇنەكتى دە مەن جاراتامىن+،تىنىشتىق ورناتاتىن دا+، اپات جىبەرەتىن دە — مەن+.
مەن، ەحوبا، وسىلاردىڭ ٴبارىن ىستەپ جاتىرمىن.
8 ەي، كوك، جەرگە جاڭبىر جاۋدىر+!
بۇلتتاردان ادىلدىك سەبەلەسىن،جەر ويانىپ، قۇتقارىلۋدىڭ تۇقىمى ٶسىپ شىقسىن.
قۇتقارىلۋمەن قوسا، ادىلدىك تە ٶسىپ شىقسىن+.
مۇنى جاراتقان مەن — ەحوبا».
9 جاراتۋشىسىمەن ٴسوز تالاستىراتىن ادام قاسىرەتكە قالادى.
سەبەبى ول — نەبارى قىش ىدىستىڭ سىنىعى،جەردە جاتقان سىنىقتاردىڭ ٴبىرى!
سازبالشىق قۇمىراشىعا: «نە ىستەپ جاتىرسىڭ؟»— دەي مە+؟
ٶزىڭ جاساعان بۇيىم: «ونىڭ قولىنان تۇك كەلمەيدى!»— دەۋشى مە ەدى؟*
10 اكەسىنە: «مەنى نەگە دۇنيەگە اكەلدىڭ؟»
شەشەسىنە: «مەنى نەسىنە تۋدىڭ؟»— دەيتىن ادام قاسىرەتكە قالادى.
11 يسرايلدىڭ كيەلى قۇدايى+ ٵرى جاراتۋشىسى ەحوبا مىنانى ايتادى:
«سەندەر مەنەن بولاشاقتاعى جايتتار تۋرالى سۇراماقسىڭدار ما؟!
ۇلدارىما+ جانە قولىمنان شىققان ىستەرىمە قاتىستى اقىل ايتپاقسىڭدار ما؟!
12 جەر مەن ونداعى ادامدى جاراتقان — مەن+.
كوكتى ٶز قولىممەن ماتاداي جايىپ+،ونداعى كۇللى اسپان دەنەلەرىنە نۇسقاۋ بەرگەن دە — مەن+.
13 مەن ٵدىلمىن، سوندىقتان بىرەۋدى تاعايىنداپ+،ونىڭ جۇرەتىن جولدارىن تۇزۋلەيمىن.
ول مەنىڭ قالامدى تۇرعىزادى+،تۇتقىنداعى حالقىمدى اقىسىز، ەش پاراسىز بوساتادى+.
مۇنى ايتىپ وتىرعان — اسكەرباسى ەحوبا.
14 ەحوبا مىنانى ايتادى:
—مىسىردىڭ تابىسى*، ەفيوپيانىڭ زاتتارى* جانە بويشاڭ سەبالىقتارساعان اكەلىنىپ، مەنشىگىڭ بولادى.
كىسەندەلگەن كۇيى سوڭىڭنان ەرەدى.
ساعان كەلىپ، ٴيىلىپ تاعزىم ەتەدى+.
قۇرمەت كورسەتىپ: «قۇداي ساعان جار+. ودان وزگە ەشكىم جوق.
ودان باسقا قۇداي جوق»،— دەيتىن بولادى».
15 ۋا، يسرايلدىڭ قۇدايى، قۇتقارۋشىمىز+،راسىندا دا، سەن ىستەرىڭدى ايان ەتە بەرمەيتىن قۇدايسىڭ.
16 بارلىعى دا ۇياتقا قالادى، جەر بولادى،پۇت جاسايتىنداردىڭ ماسقاراسى شىعادى+.
17 ال يسرايلدى ەحوبا ماڭگىگە قۇتقارادى+.
سەندەر ەشقاشان ۇياتقا قالمايسىڭدار، ماسقارا دا بولمايسىڭدار+.
18 كوكتى جاراتقان شىنايى قۇداي+،جەردى قالىپتاستىرىپ، بەرىك ورناتقان+،ونى بەكەردەن-بەكەر ەمەس*، مەكەندەۋ ٷشىن جاراتقان+
ەحوبا مىنانى ايتادى: «مەن ەحوبامىن، مەنەن وزگە قۇداي جوق.
19 مەن جاسىرىن جەردە، تۇنەك باسقان ەلدە سويلەگەن جوقپىن+.
جاقىپتىڭ ۇرپاعىنا: —مەنى ىزدەڭدەر، ٴبىراق بۇلارىڭنان تۇك شىقپايدى،— دەمەدىم.
مەن ەحوبامىن، مەن ادىلدىكتى ايتىپ، تۋرالىقتى جاريالايمىن+.
20 باس قوسىپ، ماعان كەلىڭدەر،ۇلتتار اراسىنان امان قالعاندار+، ٴبارىڭ بىرىگىپ، قاسىما جاقىنداڭدار.
اعاشتان جاسالعان پۇتتارىن كوتەرىپ جۇرگەندەر،قۇتقارا المايتىن قۇدايعا دۇعا ەتەتىندەر تۇك بىلمەيدى+.
21 كانە، ايتىڭدار، دالەل كەلتىرىڭدەر.
ولار بىرىگىپ، اقىلداسسىن.
كىم مۇنى ۇزاق ۋاقىت بۇرىن الدىن الا ايتتى؟
كىم بۇرىندارى جاريالادى؟
مەن، ەحوبا، ەمەس پە؟!
مەنەن باسقا قۇداي جوق.
مەنەن وزگە ٵدىل قۇداي دا، قۇتقارۋشى دا جوق+.
22 ەي، جەردىڭ قيىر شەتتەرى، ماعان بەت بۇرىڭدار+،سەبەبى مەن قۇدايمىن، مەنەن باسقا قۇداي جوق+.
23 مەن ٶز ەسىمىممەن انت ەتتىم.
اۋزىمنان تەك شىندىق شىعادى،ٵرى وزىمە قايتىپ ورالمايدى+.
الدىمدا ٵربىر ادام تىزە بۇگەدى،ٵربىر ٴتىل ادالدىقپەن انت بەرىپ+،
24 بىلاي دەيدى: —ناعىز ادىلدىك پەن كۇش-قۋات تەك ەحوبادا.
وعان اشۋلاناتىنداردىڭ ٴبارى ۇياتقا قالىپ، الدىنا كەلەدى.
25 يسرايلدىڭ كۇللى ۇرپاعى ەحوباعا قىزمەت ەتۋدىڭ دۇرىس ەكەنىنە كوز جەتكىزەدى+،ولاردىڭ ٴبارى ونى ماقتان تۇتادى».
سىلتەمەلەر
^ مۇمكىن: «سازبالشىق: —جاساعان بۇيىمىڭنىڭ تۇتقالارى جوق،— دەۋشى مە ەدى؟»
^ مۇمكىن: «جۇمىسشىلارى».
^ مۇمكىن: «ساۋداگەرلەرى».
^ مۇمكىن: «بوس تۇرۋ ٷشىن ەمەس».