ٴزابۇر 145:1—21
ٴداۋىتتىڭ ماداق جىرى.
א [الەف]
145 ۋا، قۇدايىم ٵرى پاتشام، ٶزىڭدى اسقاقتاتا دارىپتەيمىن+،ەسىمىڭدى ماڭگى باقي ماداقتايمىن+.
ב [بەت]
2 كۇنى بويى ٶزىڭدى داڭقتايمىن+،ەسىمىڭدى ماڭگى باقي ماداقتايمىن+.
ג [گيمەل]
3 ەحوبا ۇلى، زور داڭققا لايىقتى+،ونىڭ ۇلىلىعىنا ادام اقىلى جەتپەيدى+.
ד [دالەت]
4 ٴبىر ۇرپاق كەلەسى ۇرپاققا ىستەرىڭدى ماداقتايدى،قۇدىرەتتى ىستەرىڭدى جاريالايدى+.
ה [حە]
5 ولار ۇلىلىعىڭنىڭ سالتاناتى جونىندە ايتادى+،بارلىق كەرەمەت ىستەرىڭ جونىندە ويلانادى.
ו [ۆاۆ]
6 ولار ايبىندى ىستەرىڭ جايلى ايتادى،مەن دە سەنىڭ ۇلىلىعىڭدى جاريالايمىن.
ז [زاين]
7 ولار مول ىزگىلىگىڭدى ەسكە العاندا، ٴسوزدىڭ مايىن تامىزادى+،ادىلدىگىڭ ٷشىن قۋانا ٵن سالادى+.
ח [حەت]
8 ەحوبا جاناشىر دا مەيىرىمدى+،اشۋلانۋعا اسىقپايدى، اينىماس سۇيىسپەنشىلىگى مول+.
ט [تەت]
9 ەحوبا بارىنە شاپاعاتىن تۇسىرەدى+،بارلىق ىستەرىنەن مەيىرىمى كورىنەدى.
י [يود]
10 ۋا، ەحوبا، بار ىستەرىڭ ٶزىڭدى داڭقتايدى+،ادال قىزمەتشىلەرىڭ دە سەنى ماداقتايدى+.
כ [كاف]
11 ولار پاتشالىعىڭنىڭ ۇلىلىعىن جاريالايدى+،قۇدىرەتىڭ تۋرالى حابارلايدى+.
ל [لامەد]
12 وسىلاي ادامدارعا قۇدىرەتتى ىستەرىڭدى بىلدىرەدى+،پاتشالىعىڭنىڭ سالتاناتتى ۇلىلىعىن ايان ەتەدى+.
מ [مەم]
13 سەنىڭ پاتشالىعىڭ ماڭگىگە ۇلاسادى،بيلىگىڭ كۇللى ۇرپاققا جالعاسادى+.
ס [سامەح]
14 ەحوبا قۇلاپ بارا جاتقانداردىڭ ٴبارىن سۇيەيدى+،بۇگىلگەندەردىڭ ٴبارىن دەمەيدى+.
ע [اين]
15 بارلىعى ۇمىتتەنە وزىڭە كوز تىگەدى،سەن ولارعا مەزگىلىندە ازىق بەرەسىڭ+.
פ [پە]
16 الاقانىڭدى اشاسىڭ دا،بارشا تىرشىلىك يەلەرىنىڭ قاجەتىن بەرەسىڭ+.
צ [سادي]
17 ەحوبا بارلىق ارەكەتىندە ٵدىل+،بارلىق ىسىندە ادال+.
ק [كوف]
18 ەحوبا ٶزىن شاقىراتىنداردىڭ ٴبارىنىڭ قاسىندا+،ٶزىن شىن جۇرەكتەن* شاقىراتىنداردىڭ ٴبارىنىڭ جانىندا+.
ר [رەش]
19 ول وزىنەن قورقاتىنداردىڭ تىلەگىن ورىندايدى+،كومەك سۇراعان ۇندەرىن ەستىپ، امان ساقتايدى+.
ש [شين]
20 ەحوبا ٶزىن سۇيەتىندەردىڭ ٴبارىن قورعايدى+،ال زۇلىم اتاۋلىنىڭ كوزىن قۇرتادى+.
ת [تاۆ]
21 قىزىل ٴتىلىم ەحوبانى ماداقتايدى+؛جانى بارلاردىڭ ٴبارى ونىڭ كيەلى ەسىمىن ماڭگى باقي ماداقتاسىن+!
سىلتەمەلەر
^ نەمەسە «شىندىقتا».