پايعامبارلىق دەگەن نە؟
كيەلى كىتاپتىڭ جاۋابى
پايعامبارلىق دەگەنىمىز — قۇدايدان كەلگەن حابار. كيەلى كىتاپقا ساي، مۇنداي حاباردى پايعامبارلار «قۇدايدىڭ كيەلى رۋحىنىڭ قوزعاۋ سالۋىمەن ايتقان» (پەتىردىڭ 2-حاتى 1:20، 21). ەندەشە، قۇدايدان حابار الىپ، ونى وزگەلەرگە جەتكىزەتىن ادامدى پايعامبار دەپ اتايمىز (ەلشىلەردىڭ ىستەرى 3:18).
قۇداي پايعامبارلارعا حابارىن قالاي بەرگەن؟
ٶز ويىنداعىسىن پايعامبارلارىنا اشۋ ٷشىن قۇداي بىرنەشە ٵدىس قولدانعان:
جازباشا تۇردە. قۇداي وسى ٵدىستى كەم دەگەندە ٴبىر رەت قولداندى. مۇنى ول مۇسا پايعامبارعا ون زاڭدى جازباشا تۇردە بەرگەن كەزدە ىستەدى (مۇسانىڭ 2-جازباسى 31:18).
پەرىشتەلەر ارقىلى سويلەسۋ. مىسالى، مىسىر پەرعاۋىنىنا دەگەن بۇيرىعىن قۇداي مۇساعا پەرىشتە ارقىلى ٴبىلدىردى (مۇسانىڭ 2-جازباسى 3:2—4، 10). ال قاجەت بولعان كەزدە، پەرىشتەلەر قۇداي ٴسوزىن سوزبە-ٴسوز جەتكىزگەن. مىسالى، بىردە مۇساعا: «وسى سوزدەردى جازىپ قوي، سەبەبى سەنىمەن جانە يسرايل حالقىمەن وسى سوزدەردىڭ نەگىزىندە كەلىسىم جاسايمىن»،— دەلىنگەن بولاتىن (مۇسانىڭ 2-جازباسى 34:27) a.
ايان بەرۋ. كەيبىر كەزدە پايعامبارلار تۇسىندە ەمەس، وڭىندە ايان كورگەن (يشايا 1:1؛ اباقۇق 1:1). ال كەيبىر ايانداردىڭ انىق بولعانى سونشا، ونى كورۋشىلەر سول اياننىڭ قاتىسۋشىسى بولا العان (لۇقا 9:28—36؛ ايان 1:10—17). باسقا جاعدايلاردا ايان الۋشى ترانسقا b كىرگەن (ەلشىلەردىڭ ىستەرى 10:10، 11؛ 22:17—21). سونداي-اق پايعامبارلار تۇستەرىندە ايان الاتىن (دانيال 7:1؛ ەلشىلەردىڭ ىستەرى 16:9، 10).
ويدى باعىتتاۋ. قۇداي پايعامبارلارىنا حابارىن جەتكىزۋ ٷشىن، ولاردىڭ ويىن باعىتتاپ وتىرعان. «كيەلى جازبالاردىڭ ٴبارى قۇداي رۋحىنىڭ جەتەلەۋىمەن جازىلعان» دەگەن سوزدەردىڭ استارىندا وسى ماعىنا جاتىر (تىموتەگە 2-حات 3:16). قۇداي ٶزىنىڭ كيەلى رۋحىن ياكي ارەكەت ەتۋشى كۇشىن پايدالانىپ، قىزمەتشىلەرىنىڭ ساناسىنا ٶز ويىن سالىپ وتىرعان. ال پايعامبار قۇدايدان كەلگەن حاباردى ٶز سوزىمەن جازىپ وتىرعان (سامۋيلدىڭ 2-جازباسى 23:1، 2).
پايعامبارلىق تەك بولاشاقتاعىنى الدىن الا ايتۋدى بىلدىرە مە؟
جوق، كيەلى كىتاپتا پايعامبارلىق بولاشاقتى الدىن الا بىلدىرۋمەن شەكتەلمەيدى. ٴبىراق كوبىسى، ٴتىپتى تىكەلەي بولماسا دا، بولاشاقپەن بايلانىستى. مىسالى، قۇداي پايعامبارلارى ەرتەدەگى يسرايلدىكتەردى جامان جولدان قايتۋدى قايتا-قايتا ەسكەرتىپ وتىرعان. پايعامبارلار حالىقتىڭ ەسكەرتۋگە قۇلاق اسقان جاعدايدا الاتىن باتالارىن جانە قۇلاق اسپاعان جاعدايدا كورەتىن زاردابىن ايتقان (ەرەميا 25:4—6). ارتى نەمەن بىتەتىنى يسرايلدىكتەردىڭ قانداي تاڭداۋ جاسايتىنىنا بايلانىستى بولعان (مۇسانىڭ 5-جازباسى 30:19، 20).
كيەلى كىتاپتاعى بولاشاققا قاتىسى جوق كەيبىر پايعامبارلىقتار
بىردە يسرايلدىكتەر كومەك سۇراپ جالبارىنعاندا، قۇداي ٶز پايعامبارىن جىبەرىپ، حالىق وعان قۇلاق اسپاعانى ٷشىن ولارعا جار بولماعانىن ٴتۇسىندىردى (بيلەر 6:6—10).
ساماريالىق ايەلمەن اڭگىمەلەسكەندە، يسا ونىڭ وتكەن ٶمىرى تۋرالى ايتىپ بەردى. مۇنى وعان تەك قۇداي عانا اشا الار ەدى. سول كەزدە يسا بولاشاق تۋرالى ەشتەڭە ايتپاسا دا، ايەل ونى پايعامبار دەپ تانىدى (جوحان 4:17—19).
سوت بارىسىندا دۇشپاندارى يسانىڭ بەتىن جاۋىپ قويدى دا، ۇرىپ: «ٵي، پايعامبار بولساڭ، سەنى كىم ۇرعانىن ايتشى؟»— دەستى. ولار يسادان بولاشاق تۋرالى ايتۋدى ەمەس، قۇدايدان العان قابىلەتىن قولدانىپ، ونىڭ كىم ۇرعانىن انىقتاۋدى سۇرادى (لۇقا 22:63، 64).
a بۇل جاعدايدا قۇداي مۇساعا تىكەلەي ٴتىل قاتقانداي بولىپ كورىنۋى مۇمكىن. ٴبىراق كيەلى جازبالاردان وقيتىنىمىزداي، قۇداي مۇسا زاڭىن پەرىشتەلەر ارقىلى بەرگەن (ەلشىلەردىڭ ىستەرى 7:53؛ عالاتتىقتارعا 3:19).
b كيەلى كىتاپتىڭ ٴتۇپنۇسقا ماتىنىنە ساي، بۇل تارماقتاردا ايتىلعان ادامدار قۇدايدان حابار الىپ جاتقاندا ترانس كۇيىنە ەنگەن.
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
وسى دۇنيەنىڭ سوڭى قاشان كەلەدى؟
كيەلى كىتاپتا ناقتى ۋاقىتى ايتىلعان با؟
كيەلى كىتاپ. سۇراقتار مەن جاۋاپتار
«سوڭعى كۇندەردىڭ» ياكي اقىرزاماننىڭ بەلگىسى قانداي؟
كيەلى جازبالاردا «زاماننىڭ اقىر سوڭى» كەلەر الدىندا بولاتىن وقيعالار مەن جاعدايلار الدىن الا جازىلعان.
كۇزەت مۇناراسى
كيەلى كىتاپتاعى جۇزەگە اسقان سوزدەر
كيەلى كىتاپتىڭ سوزدەرى بۇگە-شىگەسىنە دەيىن ورىندالدى.
كيەلى كىتاپ. سۇراقتار مەن جاۋاپتار
كيەلى رۋح دەگەن نە؟
كيەلى كىتاپتا كيەلى رۋح جاراتۋشىنىڭ «قولى» دەپ ايتىلادى.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.