نەكەلەسپەي بىرگە تۇرۋ جايلى كيەلى كىتاپتا نە ايتىلعان؟
كيەلى كىتاپتىڭ جاۋابى
كيەلى كىتاپتان قۇداي بىزدەن «ازعىندىقتان اۋلاق بولۋدى» تالاپ ەتەتىنىن بىلەمىز (سالونيكالىقتارعا 1-حات 4:3). مۇنداعى «ازعىندىق» ٴسوزى نەكە ادالدىعىن بۇزۋعا، گوموسەكسۋالدىق قاتىناسقا، نەكەگە تۇرماعان ايەل مەن ەركەكتىڭ جىنىستىق قاتىناسىنا نۇسقايدى.
ەركەك پەن ايەلدىڭ نەكەگە تۇرعان-تۇرماعانى قۇداي ٷشىن نەگە ماڭىزدى؟
نەكە قۇرىلىمىن ورناتقان — جاراتۋشى قۇداي. العاشقى ەر مەن ايەلدى قوسقاندا، قۇداي نەكە دەگەن قۇرىلىمعا باستاما بەردى (مۇسانىڭ 1-جازباسى 2:22—24). ەر مەن ايەلدىڭ ادالدىق سەرتىنسىز بىرگە ٶمىر ٴسۇرۋى قۇدايدىڭ نيەتىنە ەشقاشان كىرمەگەن.
ادامدى نە نارسە شىنىمەن باقىتتى ەتەتىنىن قۇداي جاقسى بىلەدى. قۇداي ەركەك پەن ايەل ماڭگىلىك وداق قۇرىپ، وتباسىنىڭ بارلىق مۇشەسى وسى وداقتىڭ يگىلىگىن كورسىن، وزدەرىن قاۋىپسىز سەزىنسىن دەگەن نيەتپەن نەكە قۇرىلىمىن ورناتتى. مىسالى، قانداي دا ٴبىر جيھاز الساق، ونى شىعارعان زاۋىتتىڭ نۇسقاۋلىعىنا قاراپ، ونى قالاي دۇرىس جيناۋ كەرەكتىگىن بىلەمىز عوي. سول سياقتى جاراتۋشىمىزدىڭ نۇسقاۋلارى بىزگە باقىتتى وتباسىن قۇرۋدى ۇيرەتەدى. سول نۇسقاۋلارعا قۇلاق اسقان جاندار ونىڭ تەك پايداسىن كورەدى (يشايا 48:17، 18).
جيھازدى شىعارعان زاۋىتتىڭ نۇسقاۋلىعىندا ونى قالاي دۇرىس جيناۋ كەرەكتىگى جازىلادى. ال قۇدايدىڭ كيەلى كىتاپتاعى نۇسقاۋلارى باقىتتى وتباسىن قۇرۋعا كومەكتەسەدى.
نەكەدەن تىس جىنىستىق قاتىناستىڭ اۋىر سالدارى بولۋى مۇمكىن. مىسالى، قالاۋسىز جۇكتىلىك، جىنىستىق جولمەن بەرىلەتىن اۋرۋلار جانە جان جاراسى.
ەر مەن ايەل جىنىستىق قاتىناس ارقىلى بالا سۇيە الادى. بۇل قابىلەتتى ولارعا قۇداي بەرگەن. جاراتۋشىمىز ٷشىن ادامنىڭ ٶمىرى قاسيەتتى. ۇرپاق جالعاستىرۋ قابىلەتى — ونىڭ بەرگەن قۇندى سيى. وسى سيعا قۇرمەتپەن قاراعىمىز كەلسە، قۇداي ورناتقان نەكە قۇرىلىمىنا دا قۇرمەتپەن قاراۋىمىز كەرەك (ەۆرەيلەرگە 13:4).
مىنەزدەرى جاراساتىنىن تەكسەرۋ ٷشىن نەكەلەسپەي بىرگە تۇرۋ جايلى نە دەۋگە بولادى؟
ٴبىر-بىرىمەن جاراساتىن-جاراسپايتىندارىن ٴبىلۋ ٷشىن نەكەلەرىن زاڭداستىرماي، ٴبىر شاڭىراقتىڭ استىندا ٶمىر ٴسۇرىپ كورۋ — باقىتتى نەكەنىڭ ارقاۋى ەمەس. كەرىسىنشە، جۇپتار ادالدىق سەرتىمەن بايلاسسا، قيىندىقتارىن شەشۋ ٷشىن جۇمىلا ارەكەت ەتسە، نەكەلەرى بەرىك بولماق a. نەكە ادالدىقتى بەكەمدەي تۇسەدى (ماتاي 19:6).
نەكەلەرى بەرىك بولۋ ٷشىن جۇپتار نە ىستەي الادى؟
بۇل ومىردە ٴمىنسىز نەكە جوق. دەسە دە، كيەلى كىتاپتاعى اقىل-كەڭەستەردىڭ كومەگىمەن جۇپتار جۇبايلىق ومىردە باقىتتى بولا الادى. سول كەڭەستەردىڭ كەيبىرى مىناداي:
ٴبىرىنشى كەزەكتە ٶزىڭىزدىڭ ەمەس، جۇبايىڭىزدىڭ قامىن ويلاڭىز (قورىنتتىقتارعا 1-حات 7:3—5؛ فىلىپىلىكتەرگە 2:3، 4).
جۇبايىڭىزعا دەگەن قۇرمەت پەن ماحابباتتى ارتتىرا بەرىڭىز (ەفەستىكتەرگە 5:25، 33).
ويلانىپ سويلەۋدى ۇيرەنىڭىز (ناقىل سوزدەر 12:18).
شىدامدى ٵرى كەشىرۋگە اسىق بولىڭىز (قولوستىقتارعا 3:13، 14).
a «وتباسى جاراسىمى. ادالدىق» دەگەن ماقالانى قاراڭىز.
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
كيەلى كىتاپ وتباسىمدى باقىتتى ەتۋگە كومەكتەسە الا ما؟
كيەلى كىتاپتان الىنعان وسى بەس كەڭەس ميلليونداعان ەرلى-زايىپتىعا وتباسىلارىن باقىتتى ەتۋگە كومەكتەسكەن.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.